Maðurinn hætti þegar konan vaknaði. Fórnarlambið hafði strax samband við áhöfn flugvélarinnar og skýrði frá hvað hafði gerst segir í umfjöllun CNN um málið.
Lögreglan beið á flugvellinum þegar vélin lenti og var maðurinn handtekinn. Hann segist hafa verið í „djúpum svefni“ þegar þetta gerðist því hann hafi tekið svefnlyf áður. Hann sagði að fórnarlambið hafi sofnað í fangi hans og að hann viti ekki með vissu hvar hann lagði lófann.
Í yfirheyrslum hjá alríkislögreglunni sagði maðurinn að hann „gæti hafa“ opnað brjóstahaldara konunnar og tekið á brjóstum hennar utanklæða. Hann gaf einnig í skyn að hann hafi rennt rennilásnum á buxum hennar niður og hafi sett fingur að kynfærum hennar.
Hinu meginn við manninn sat eiginkona hans. Hún sagði fyrir dómi að maðurinn tæki venjulega verkjalyf, Tylenol, og það hafi verið það sem hann tók í flugvélinni.
Eins og fyrr segir var maðurinn sakfelldur fyrir brotið og mun dómari ákveða refsingu hans síðar en hann á allt að lífstíðarfangelsi yfir höfði sér. Hversu þungur sem dómurinn verður þá verður manninum vísað úr landi að afplánun lokinni en hann er indverskur ríkisborgari en hefur verið með atvinnuleyfi í Bandaríkjunum.