Honum láðist hins vegar að láta lögregluna vita af hvarfi stúlkunna og þar með glötuðust dýrmætar klukkustundir en fyrstu klukkustundirnar eftir hvarf fólks eru mjög mikilvægar þegar kemur að leit. Lögreglan fékk fyrst veður af hvarfi stúlkunnar um sólarhring síðar og blés þá strax til umfangsmikillar leitar. Um 700 manns, lögreglumenn og sjálfboðaliðar, leituðu næstu daga og voru hundar og drónar notaðir við leitina að sögn South China Morning Post.
En leitin bar engan árangur. Það var síðan þann 31. ágúst, fjórum dögum eftir hvarf hennar, að maður einn heyrði rödd berast úr runnum. Hann lét lögregluna vita og þegar hún kom á staðinn fundu lögreglumenn Ziaojiao inn í runnunum. Hún var strax flutt til læknis. Hún er nú sögð vera í fínu formi og það eina sem hafi hrjáð hana að einhverju ráði hafi verið mörg skordýrabit. Lögreglumennirnir segja það kraftaverk að hún hafi lifað þetta af alein.