Handþurrkarar eru miklir sýkladreifarar og dreifa fleiri sýklum en bréfþurrkur. Þetta eru niðurstöður nýrrar rannsóknar sem var gerð á þremur sjúkrahúsum á Englandi, Frakklandi og Ítalíu. Í ljós kom að það dró mikið úr líkunum á sýkladreifingu að nota bréfþurrkur. Það kom rannsakendum á óvart að hættulegar bakteríur, sem valda blóðeitrun, lungnabólgu og iðrasýkingum lifðu góðu lífi í handþurrkurum.
Í grein í tímaritinu Journal of Hospital Infection segja rannsakendurnir að herða verði reglur á sjúkrahúsum til að koma í veg fyrir smit. Þeir segja að stærsta vandamálið sé að fólk þvo sér ekki nægilega vel um hendurnar og þegar þær séu þurrkaðar í handþurrkurum fjúki örverurnar og dreifi sér á salerninu.
