Jim Al-Khalili, prófessor í eðlisfræði og forseti Bresku vísindasamtakanna, segir að meiri hætta stafa af gervigreind en loftslagsbreytingum og hryðjuverkum. Á fyrirlestri í Lundúnum sagði Al-Khalili að hann væri sannfærður um að gervigreind sé stærsta vandamál sem mannkyn standi frammi fyrir.
„Ef ég hefði verið spurður fyrir nokkrum árum hvað væri stærsta og alvarlegasta vandamál sem mannkyn stæði frammi fyrir þá hefði ég líklega sagt loftslagsbreytingar eða önnur stór vandamál á borð við hryðjuverk, sýklaónæmi eða fátækt. En í dag er ég sannfærður að það sem við verðum að ræða um alvarlega er framtíð gervigreindar. Það hefur áhrif á allt annað, hvort sem það er til hins betra eða verra,“ sagði Al-Khalili á fyrirlestinum sem greint er frá á vef breska dagblaðsins Metro.
Hann hefur helst áhyggjur af því að almenningur fari að óttast gervigreind eða taki málið ekki alvarlega. „Ef almenningur ræðir ekki málið þá munu leiðtogar ekki líta á gervigreind sem forgangsmála. Það þarf að setja reglugerðir en þær gætu komið of seint. Í það minnsta myndi það koma í veg fyrir að gervigreind verði hluti af opinberri þjónustu, annars gæti það leitt til ójafnaðar í þjóðfélaginu.“ Al-Khalili sagði svo að lokum: „Gervigreind mun breyta lífum okkar, meira en netið hefur gert á síðustu áratugum. Við þurfum að vera tilbúin.“