Það er fátt jafn fráhrindandi og klósettseta, sérstaklega á almenningsklósettum, en það þarf ekki að vera það óhreinasta sem þú kemst í tæri við. Bakkar sem notaðir eru við öryggisleit á alþjóðaflugvöllum eru óhreinni að jafnaði en klósettseta.
Í rannsókn sem var gerð á alþjóðaflugvellinum í Helsinki í Finnlandi voru tekin sýni af 90 sýni af bökkum sem notaðir eru við öryggisleit. 42 sýni voru svo tekin af klósettsetum á almenningssalernum á flugvellinum, sýnin voru öll tekin á mismunandi tímum dagsins.
Niðurstöðurnar leiddu í ljós að klósettseturnar voru talsvert hreinni, á öryggisbökkunum mátti finna ýmsa sýkla, þar á meðal fundust veirur sem valda sjúkdómum í einu af hverjum tíu sýnum sem voru tekin af öryggisbökkunum.
Mæla rannsakendur með að farþegar þvoi sér um hendurnar fyrir og eftir öryggisleit á flugvöllum.