Hún varð til fyrir 12,4 milljörðum ára en til samanburðar má nefna að jörðin varð til fyrir 4,5 milljörðum ára. þetta kemur fram á vef LiveScience.com.
Vetrarbrautin er stærri, þroskaðri og í henni eru fleiri stjörnur en ættu að vera. Stjörnufræðingar segja að rykið í vetrarbraut af þessari stærðargráðu ætti að hafa safnast saman í miðju hennar í stað þess að verða hringlaga eins og aðrar vetrarbrautir.
Í fréttatilkynningu frá University of Massachusetts er haft eftir Min Youn, stjörnufræðingi, að lögun vetrarbrautarinnar hafi komið mjög á óvart. Þeir hafi ekki reiknað með að hún væri hringlaga eða eins og skífa í laginu.
Þá er það athyglisvert við vetrarbrautina að hún er með þrjá kjarna en venjulega eru vetrarbrautir með einn kjarna sem stjörnunar eru á braut um. En þessi undarlega vetrarbraut er með tvær miðjur til viðbótar og því er útlit hennar ansi sérstakt.
Hún ætti í raun og veru ekki að vera til að sögn stjörnufræðinga heldur ætti hún að hafa eytt sjálfri sér fyrir löngu. Hún er einnig mjög óstöðug að þeirra sögn og á endanum mun hún hrynja inn að miðju sinni.