Leslie Moonves, hefur sagt af sér sem forstjóri CBS vegna ásakana um að hafa beitt 6 konur kynferðislegu ofbeldi. Fyrirtækið er eitt það stærsta í heiminum á framleiðslu á sjónvarpsefni og fréttaefni.
Fyrir nokkru ásökuðu einnig aðrar 6 konur Moonves um að hafa beitt þær kynferðislegu ofbeldi. Fyrstu brotin áttu sér stað á 9 áratug síðustu aldar og þau nýjustu um snemma í byrjun þessarar aldar. Hafa konurnar meðal annars ásakað Moonves um nauðgun, að hafa berað sig ásamt því að hafa beitt ofbeldi. Moonves hefur brugðist við þessum ásökunum. „Ósannaðar áratuga gamlar ásakanir er nú verið að nota gegn mér og lýsir þetta þeirri manneskju sem ég er.
CBS sendi frá sér yfirlýsingu vegna málsins þar sem kemur meðal annars fram að Moonves myndi fá starfslokasamning sem hljóðaði upp á meira en 12 milljarða íslenskra króna. Það eru hins vegar settir sérstakir skilmálar í starfslokasamninginn sem tekur það fram að komi það í ljós að eitthvað sé til í ásökunum kvennanna fái hann ekkert greitt frá fyrirtækinu, ásamt því að hann verður að nota 2 milljarða af þeim fjármunum sem fyrirtækið greiðir honum til að styrkja samtök sem berjast fyrir réttindum kvenna eða samtökum sem eru tengd Metoo byltingunni. Í yfirlýsingunni kemur einnig fram að Joe Ianniello myndi taka við stöðu forstjóra hjá CBS.