fbpx
Pressan

Hundurinn bjargaði honum frá 50 ára fangelsisdómi

Ritstjórn Pressunnar
Þriðjudaginn 11. september 2018 09:42

Bandaríkjamaðurinn Joshua Horner sá fram á að eyða næstu fimmtíu árum bak við lás og slá og var hann raunar byrjaður að afplána dóminn. Það var í apríl 2017 að Joshua var sakfelldur fyrir hrottalegan glæp; hann var ákærður fyrir að misnota barn kynferðislega og dæmdur í 50 ára fangelsi.

Joshua, sem er pípulagningamaður að mennt, var dæmdur á grundvelli framburðar konu einnar sem sagði að Joshua hefði hótað að drepa dýrin hennar ef hún kjaftaði til lögreglu og segði frá brotinu. Bætti hún við að hún hefði orðið vitni að því er Joshua skaut hundinn hennar, svartan Labrador-hund, Lucy að nafni.

Sex mánuðum eftir að kviðdómur sakfelldi Joshua hafði hann samband við Oregon Innocence Project, samtök sem taka að sér mál fanga sem dæmdir eru á vafasömum forsendum. Samtökin skoðuðu málið og fóru meðal annars ofan í kjölinn á framburði Joshua sem þvertók fyrir að hafa skotið umræddan hund og sagðist saklaus af öllum ásökunum.

Samtökin hófu í kjölfarið leit að hundinum; ef hann fyndist myndi það þýða að vitnið hafi logið fyrir dómi, eiðsvarið. Svo fór að tíkin Lucy fannst í bænum Gearhart þar sem búið var að koma henni fyrir hjá nýjum eigendum.

Saksóknari málsins, John Hummel, segist hreint ekki sannfærður um sekt Joshua og fór svo að Joshua var sleppt úr fangelsi á dögunum. Dómurinn yfir honum var ómerktur og er hann nú laus allra mála, að því er AP-fréttastofan greinir frá.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Banaslys við Kirkjufell
Pressan
Í gær

Tveimur rússneskum njósnurum vísað frá Hollandi – Tengjast Skripal-málinu í Bretlandi

Tveimur rússneskum njósnurum vísað frá Hollandi – Tengjast Skripal-málinu í Bretlandi
Pressan
Í gær

Tveir unglingar létust í kjölfar hræðilegs ofbeldisverks í Þrándheimi – Meintur gerandi skotinn af lögreglunni

Tveir unglingar létust í kjölfar hræðilegs ofbeldisverks í Þrándheimi – Meintur gerandi skotinn af lögreglunni
Pressan
Fyrir 4 dögum

Primera Air stefnt fyrir dóm – Flugfélagið sakað um að fara á svig við kjarasamning flugmanna

Primera Air stefnt fyrir dóm – Flugfélagið sakað um að fara á svig við kjarasamning flugmanna
Pressan
Fyrir 4 dögum

Hefur unnið stóran vinning í lottói 14 sinnum – Bjó til formúlu til að finna vinningstölurnar

Hefur unnið stóran vinning í lottói 14 sinnum – Bjó til formúlu til að finna vinningstölurnar