Merkin uppgötvuðust þegar verið var að fara yfir 400 terabæti af útvarpsmerkjum frá vetrarbrautinni. Gervigreind var notuð við yfirferð gagnanna en sú tækni er notuð til að fara yfir stór gagnasöfn í leit að óvenjulegu mynstri eða öðru óvenjulegu.
Merkin sem voru numin, svokallaðar hraðar útvarpsbylgjur (fast radio bursts (FRBs), eru skær og stutt merki. Þau voru uppgötvuð 2007 og eru talin koma frá fjarlægum vetrarbrautum en enn er ekki vitað hvað veldur þeim.
Sky segir að samkvæmt því sem SETI segi þá sé ekki vitað hver upptök þessara merkja séu.
„Það eru margar kenningar, þar á meðal að þetta geti verið frá tækni þróaðri af vitsmunaverum utan jarðarinnar.“
Á síðasta ári vörpuðu vísindamenn við Harvard háskólann fram þeirri hugmynd að FRBs gætu verið merki frá orkuleka frá öflugum sendum sem vitsmunaverur utan jarðarinnar hafi smíðað til að nota í risastórum geimskipum með létt segl sem fari í langar geimferðir. Létt segl myndi nota smáhluta af þrýstingi, sem kemur frá birtu, til að mynda litla en stöðuga hröðun sem myndi gera geimskipinu kleift að ná miklum hraða.
Niðurstöður rannsóknar SETI hafa verið samþykktar til birtingar í vísindaritinu Astrophysical Journal.