fbpx
Pressan

„Ég ætla að segja frá öllu“ – Stormy Daniels gefur út bók um sambandið við Trump

Kristján Kristjánsson
Fimmtudaginn 13. september 2018 19:00

Melania Trump, Donald Trump og Stormy Daniels.

Klámmyndastjarnan fyrrverandi Stormy Daniels fékk 130.000 dollara frá Donald Trump 2016 gegn því að hún myndi ekki segja frá meintu sambandi þeirra. Önnur kona fékk einnig greiðslu frá Trump fyrir að þegja um meint samband hennar við Trump. En nú ryðst Daniels fram á ritvöllinn því í byrjun næsta mánaðar kemur út bók eftir hana þar sem hún segir frá hinu meinta sambandi sínu við forsetann.

„Ég ætla að segja frá öllu.“

Sagði hún í gær í viðtali í sjónvarpsþættinum The View hjá ABC-sjónvarpsstöðinni.

Það var Michael Cohen, fyrrum lögmaður Trump, sem greiddi Daniels 130.000 dollara fyrir þögn hennar. Í fyrstu neitaði Trump að vita nokkuð um málið en síðar viðurkenndi hann að hann hefði sjálfur lagt út fyrir greiðslunni. Samkvæmt bandarískum kosningareglum verður að gefa upp allar fjárhæðir sem eru notaðar til að hafa áhrif á kosningar. Af þeim sökum hefur verið lögð fram kvörtun hjá dómsmálaráðuneytinu og kjörstjórn vegna þess að þessir 130.000 dollarar voru aldrei gefnir upp.

Í herbúðum Trump er vörnin sú að peningarnir hafi verið notaðir til að bjarga hjónabandi hans en ekki til að hylma yfir hugsanlegt hneykslismál.

Michael Avenatti, lögmaður Daniel, var einnig með í The View og sagði hann að nú bíði „þrjár langar vikur“ Trump þar til bókin kemur út.

Á þriðjudaginn kom út bók um Trump og stjórnartíð hans eftir Bob Woodward. Sú bók hefur vakið mikla athygli og selst eins og heitar lummur.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Banaslys við Kirkjufell
Pressan
Í gær

Tveimur rússneskum njósnurum vísað frá Hollandi – Tengjast Skripal-málinu í Bretlandi

Tveimur rússneskum njósnurum vísað frá Hollandi – Tengjast Skripal-málinu í Bretlandi
Pressan
Í gær

Tveir unglingar létust í kjölfar hræðilegs ofbeldisverks í Þrándheimi – Meintur gerandi skotinn af lögreglunni

Tveir unglingar létust í kjölfar hræðilegs ofbeldisverks í Þrándheimi – Meintur gerandi skotinn af lögreglunni
Pressan
Fyrir 4 dögum

Primera Air stefnt fyrir dóm – Flugfélagið sakað um að fara á svig við kjarasamning flugmanna

Primera Air stefnt fyrir dóm – Flugfélagið sakað um að fara á svig við kjarasamning flugmanna
Pressan
Fyrir 4 dögum

Hefur unnið stóran vinning í lottói 14 sinnum – Bjó til formúlu til að finna vinningstölurnar

Hefur unnið stóran vinning í lottói 14 sinnum – Bjó til formúlu til að finna vinningstölurnar