Hún gaf einnig út skáldsöguna „The Wrong Husband“ 2015 sem fjallar um konu sem flýr frá ofbeldisfullum manni þegar þau verða skipreika í Miðjarðarhafinu.
Nancy var handtekin í síðustu viku og á yfir höfði sér ákæru fyrir ólöglega notkun á skotvopni sem hafi valdið dauða eiginmanns hennar, Daniel Brophy. Þau höfðu verið gift í 27 ár. Daniel var skotinn til bana þann 2. júní í sumar. Það voru nemendur hans sem fundu hann blóðugan í eldhúsinu. Hann lést á vettvangi á meðan bráðaliðar reyndu að bjarga lífi hans.
Í kjölfar morðsins birti Nancy færslu á Facebokk þar sem hún sagðist „vera að berjast við að átta sig á hlutunum“.
Í smásögunni frá 2011 lýsir hún ástæðum og mögulegum morðvopnum sem væri hægt að nota til að myrða eiginmann sinn í skáldsögu. Hún er sögð hafa stungið upp á byssum, hnífum, eitri og leigumorðingjum til að losna við maka.
„Mér finnst auðveldara að óska fólki dauða en að drepa það í raun og veru. Ég vil ekki þurfa að hafa áhyggjur af blóð- og heilaslettum á veggjum. Og auk þess er ég ekki góð í að muna lygar. En það sem ég veit um morð er að við höfum það öll í okkur að geta myrt ef okkur er ýtt nógu langt.“