Pressan

Boxari niðurlægði fíkniefnaneytanda úti á götu: Sjáðu myndbandið sem margir hafa hneykslast á

Ritstjórn Pressunnar
Þriðjudaginn 18. september 2018 10:25

Billy Joe Saunders, heimsmeistari í boxi, hefur beðist afsökunar eftir að myndband þar sem hann sést niðurlægja fíkniefnaneytanda úti á götu leit dagsins ljós. Billy, sem er 29 ára, var í Rolls Royce-glæsibifreið sinni ásamt tveimur félögum sínum þegar þeir óku fram á konu sem sögð er langt leiddur fíkniefnaneytandi.

Billy og félagi hans gáfu sig á tal við konuna, sögðust hafa krakk í fórum sínum og buðust til að gefa henni það ef hún leysti ákveðin verkefni fyrir þá. Billy spurði hana hvort hún vildi fullnægja vini sínum kynferðislega í skiptum fyrir dópið og hvatti hana svo til að slá grunlausan vegfaranda í andlitið sem hún gerði. Fékk hún þau skilaboð að vegfarandinn, ungur karlmaður, væri barnaníðingur.

Þegar Billy og félagar hans höfðu lokið sér af óku þeir í burtu.

Mail Online birti umrætt myndband og segir að konan sé 37 ára og búsett í Nottingham. Lögreglan í Nottinghamhamshire segir að hún viti af myndbandinu og vinni að rannsókn málsins. Rætt verði við alla þá sem sáust í myndbandinu. Hugsanlegt er að Billy verði ákærður fyrir að bjóða eiturlyf til sölu og fyrir að hvetja til ofbeldis.

Billy baðst afsökunar á uppátæki sínu á Twitter eftir að myndbandið birtist. Í afsökunarbeiðni sinni sagði hann að um heimskulegan gjörning hafi verið að ræða og „grínið“ hafi gengið allt of langt. Margir hafa hneykslast á boxaranum og gagnrýnt hann harðlega. Hafa ófáir látið hann heyra það á Twitter.

Billy varð heimsmeistari í millivigt fyrst árið 2015 og hann mun freista þess að verja titil sinn þegar hann mætir Bandaríkjamanninum Demetrius Andrade í Boston í októbermánuði.

 

 

 

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Pressan
Í gær

Óhugnanleg mynd vekur ótta um að árásir séu yfirvofandi á sænska skóla – Aukin öryggisgæsla

Óhugnanleg mynd vekur ótta um að árásir séu yfirvofandi á sænska skóla – Aukin öryggisgæsla
Pressan
Í gær

Ódýrari matur, leikföng og raftæki og aukinn kaupmáttur – Þetta búa nágrannar okkar við

Ódýrari matur, leikföng og raftæki og aukinn kaupmáttur – Þetta búa nágrannar okkar við
Pressan
Fyrir 2 dögum

Vantar þig íbúð? Hér er offramboð af húsnæði

Vantar þig íbúð? Hér er offramboð af húsnæði
Pressan
Fyrir 2 dögum

„Þeir voru bara að vinka bless“

„Þeir voru bara að vinka bless“