fbpx
Pressan

Sænsk rannsókn vekur efasemdir um aldursgreiningar á hælisleitendum

Kristján Kristjánsson
Þriðjudaginn 18. september 2018 19:30

Flóttamenn í Svíþjóð.

Þriðjungur þeirra karlkyns hælisleitenda sem koma til Svíþjóðar og eru sendir í aldursgreiningu geta fengið ranga aldursgreiningu. Það eru miklar líkur á að þeir séu taldir vera fullorðnir þrátt fyrir að hafa ekki náð fullorðinsaldri.

Þetta kemur fram í Svenska Dagbladet. Umfjöllun blaðsins er byggð á rannsókn á aldursgreiningum á um 9.600 karlkyns hælisleitendum Petter Mostad, einn af höfundum rannsóknarinnar, sagði í samtali við Svenska Dagbladet að „hættan á að barn sé talið vera fullorðið er miklu meiri en að matið sé á hinn veginn“.

Niðurstöður rannsóknarinnar sýna að mikil óvissa fylgir aldursgreiningum á karlmönnum með þeirri aðferð sem beitt er í Svíþjóð og því geti verið að þriðji hver piltur hafi verið flokkaður sem „fullorðinn“ í sænska kerfinu vegna þessa.

Þeir sem eru yngri en 18 ára og sækja um hæli eiga rétt á sérstakri vernd vegna ungs aldurs og því sækja mjög margir um hæli og segjast vera yngri en 18 ára. Af þessum sökum láta innflytjendayfirvöld gera aldursrannsóknir á viðkomandi ef vafi þykir leika á um aldur hans. Aldursgreiningin er byggð á rannsókn á tönnum og hnjám viðkomandi. Þetta hefur verið gert síðan 2016. Í skýrslu sem var gerð þá fyrir sænsk félagsmálayfirvöld kom fram að líkurnar á að rangar niðurstöður fáist með þessari aðferð séu litlar. Þessi niðurstaða og rannsóknaraðferðin hafa síðan verið gagnrýnd af mörgum.

Á síðasta ári voru 9.617 hælisleitendur sendir í aldursgreiningu og niðurstaðan var að 7.810 þeirra voru eldri en 18 ára en 1.407 yngri en 18 ára.

Á fyrri helmingi þessa árs hafa 946 karlar verið sendir í aldursgreiningu byggðri á fyrrnefndri aðferð. 709 eru taldir vera eldri en 18 ára en 237 „hugsanlega“ yngri en 18 ára. Enginn hefur verið metinn sem örugglega yngri en 18 ára.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Pressan
Fyrir 2 dögum

Danskir þingmenn vilja koma í veg fyrir að Peter Madsen geti stundað kynlíf í fangelsinu

Danskir þingmenn vilja koma í veg fyrir að Peter Madsen geti stundað kynlíf í fangelsinu
Pressan
Fyrir 2 dögum

Rússar skýra frá leynilegu samstarfi með bresku leyniþjónustunni

Rússar skýra frá leynilegu samstarfi með bresku leyniþjónustunni
Pressan
Fyrir 3 dögum

Þess vegna er miðdegislúr hollur

Þess vegna er miðdegislúr hollur
Pressan
Fyrir 3 dögum

Átta fjallgöngumenn létust í Himalaya í dag

Átta fjallgöngumenn létust í Himalaya í dag