Lögreglan í Kaupmannahöfn rannsakar nú tvær skotárásir sem voru gerðar í borginni í gærkvöldi. 34 ára karlmaður var skotinn mörgum skotum í báða handleggi þegar hann var staddur við Lygten, sem er á milli Norðurbrúar og Nordvestkvarter. Tilkynnt var um skotárásina klukkan 22.38. Maðurinn er ekki í lífshættu.

Um klukkustund áður var fjórum skotum, hið minnsta, skotið á bíl við á gatnamótum Herlev Hovedgade og Herlev Ringvej í Herlev. Ökumaðurinn særðist ekki en hann náði að beygja sig þegar skothríð hófst. Ökumaðurinn hefur ekki getað gefið lögreglunni neinar upplýsingar sem geta varpað ljósi á málið.

Lögreglan er því litlu nær um ástæður skotárásanna eða hverjir voru að verki.