fbpx
Pressan

Sagði að bílnum hans hefði verið stolið – Eitthvað passaði þó ekki í frásögnina

Kristján Kristjánsson
Mánudaginn 24. september 2018 07:14

Mynd úr safni.

Viðskiptavinur tryggingafélags hélt að hann hefði fundið bráðsnjalla leið til að svíkja fé út úr félaginu. Hann tilkynnti félaginu að bílnum hans hefði verið stolið á meðan hann var í bíó með kærustunni sinni. Þegar þau hafi komið út hafi bíllinn verði horfinn.

„Hann skilaði bíllyklunum og skráningarskírteininu til okkar en þó ekki fyrr en 18 dögum eftir þjófnaðinn.“

Hefur Ekstra Bladet eftir Brian Egested, deildarstjóra rannsóknardeildar Alm. Brand tryggingafélagsins í Danmörku. Starfsmönnum tryggingafélagsins fannst þetta allt saman eitthvað undarlegt og þá sérstaklega í ljósi þess að aðeins var einn mánuður síðan maðurinn tryggði bílinn hjá félaginu.

Rannsókn á bíllyklunum leiddi í ljós að þeir höfðu verið notaðir eftir að hinn meinti bílþjófnaður átti sér stað. Þá bar svo við að bíleigandinn breytti sögu sinni. Í fyrstu hafði hann sagt að hann hefði pantað miða í bíó en þar sem hann gat ekki framvísað bíómiðunum, staðfestingu á pöntun eða upplýsingum um greiðslu fyrir miðana sagðist hann ekki hafa pantað miða heldur keypt þá í kvikmyndahúsinu og greitt með reiðufé. Hann gat enga skýringu gefið á af hverju lyklarnir höfðu verið notaðir eftir hinn meinta þjófnað.

Það þarf ekki að undra að tryggingafélagið lagði lítinn trúnað á sögu mannsins og fékk hann engar bætur greiddar. Þess í stað var hann kærður til lögreglunnar fyrir tilraun til tryggingasvika.

Gróf bíl sinn niður

En þetta er ekki eina dæmið um tilraun til tryggingasvika en slík tilvik eru ansi mörg. Egested sagði að í öðru máli, sem kom til kasta Alm. Brand, hafi viðskiptavinur tilkynnt að stórum jeppa hans hafi verið stolið. Á litlu var að byggja í málinu þar til nafnlaus ábending barst. Samkvæmt ábendingunni hafði bílnum ekki verið stolið. Hann hafði hins vegar verið grafinn niður undir hlöðu. Alm. Brand lét því grafa bílinn upp í febrúar og eigandinn var kærður til lögreglunnar fyrir tilraun til tryggingasvika.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Pressan
Í gær

„Við ættum að skammast okkar“ – Vara við gríðarlegum hörmungum

„Við ættum að skammast okkar“ – Vara við gríðarlegum hörmungum
Fyrir 2 dögum

Haustfagnaður SVFR

Haustfagnaður SVFR
Pressan
Fyrir 2 dögum

Fjórir skotnir til bana í barnaafmæli

Fjórir skotnir til bana í barnaafmæli
Pressan
Fyrir 2 dögum

Sefur þú innan um rykmítla?

Sefur þú innan um rykmítla?
Pressan
Fyrir 2 dögum

Lögreglumaðurinn var á ferð um varðsvæðið – Skyndilega heyrði hann konu öskra

Lögreglumaðurinn var á ferð um varðsvæðið – Skyndilega heyrði hann konu öskra
Pressan
Fyrir 2 dögum

Saka íslenskt fyrirtæki um villandi markaðssetningu í Danmörku – „Sýnist þetta vera svikamylla“

Saka íslenskt fyrirtæki um villandi markaðssetningu í Danmörku – „Sýnist þetta vera svikamylla“
Pressan
Fyrir 3 dögum

Sjö persónuleikaeinkenni sem einkenna mjög gáfuð börn

Sjö persónuleikaeinkenni sem einkenna mjög gáfuð börn
Pressan
Fyrir 3 dögum

Segir gjaldþrot Primera Air bara hafa verið það fyrsta í röð gjaldþrota flugfélag

Segir gjaldþrot Primera Air bara hafa verið það fyrsta í röð gjaldþrota flugfélag