Þú þekkir þetta. Þú er nýbúinn að kaupa kíló af kartöflum og af gömlum vana setur þú þær inn í ísskáp því þannig geymast þær jú best. Eða hvað.
Raunveruleikinn er sá að hráar kartöflur skemmast töluvert hraðar ef þær eru geymdar í ísskáp. Í fyrsta lagi hefur það áhrif á bragðið. Kuldinn gerir að verkum að sterkjan sem er í kartöflunum umbreytist hraðar í sykur sem hefur áhrif á bragðið. Á sama tíma molnar hún og mjölið verður meira áberandi þegar kemur að bragðinu og áferðinni.
Það sem skiptir þó mestu máli er að það að geyma kartöflur í ísskáp getur hreint og beint reynst hættulegt. Þegar sterkjan umbreytist í sykur þá verða ákveðin efnahvörf sem geta haft skaðleg áhrif þegar kartöflurnar eru eldaðar. Þá skiptir engu máli hvort þær séu bakaðar, steiktar eða soðnar. Efnasambandið sem myndast kallast Acrylamide og er talið krabbameinsvaldandi.
Það er þó engin ástæða til að hætta að borða kartöflur. Það sem skiptir höfuðmáli er að geyma kartöflurnar við rétt hitastig. Það er á köldum og eða dimmum stað en alls ekki í ísskáp. Það er jafnframt mjög gott að geyma kartöflur í pappírspoka. Þannig geymast þær töluvert lengur en ella.