fbpx
Pressan

Fann sjö milljónir í póstkassanum – Í þriðja sinn sem hann fær sendingu sem þessa – Veit ekki hver sendandinn er

Kristján Kristjánsson
Föstudaginn 5. október 2018 05:26

Nýjasta sendingin. Mynd:Morten Jelsa

Að fá háar peningaupphæðir í póstkassann er líklegast eitthvað sem flesta dreymir um en fæstir upplifa. Þetta hefur Morten Jelsa nú upplifað þrisvar sinnum á fjórum árum. Það var 2014 sem hann fékk sendingu í póstkassann sinn við heimili sitt í Varhaug í Noregi. Þá var umslag með fimmhundruð 1.000 króna seðlum (norskar krónur) í póstkassanum dag einn.

Þetta vakti að vonum athygli enda ekki á hverjum degi sem fólk fær svona sendingar. Engin skilaboð fylgdu með sendingunni og því var ekkert vitað um hver hafði sett þetta í póstkassa Jelsa. En til að gera málið enn dularfyllra fékk hann aftur eins sendingu 2016. Fimm hundruð 1.000 króna seðlar voru þá í umslagi í póstkassanum. Sagan var sú sama og í fyrra skiptið, engar upplýsingar fylgdu með.

Í gær fékk hann síðan þriðju sendinguna og enn einu sinni voru fimmhundruð 1.000 króna seðlar í póstkassanum. Þessi upphæð svarar til tæplega sjö milljóna íslenskra króna.

Norska ríkisútvarpið hefur eftir Jelsa að hann telji að sami aðilinn hafi sett peningana í póstkassann í öll skiptin en hann viti ekki hver hann er og ætli ekki að reyna að komast að því af virðingu við gefandann. Það sé einhver ástæða fyrir að viðkomandi vill ekki koma fram undir nafni.

Jelsa er formaður Varhaug IL íþróttafélagsins og hafa peningarnir runnið óskipt til félagsins en hann hefur frá upphafi talið að gefandinn hafi viljað koma peningunum til íþróttafélagsins en ekki hans. Að þessu sinni bar svo við að miði fylgdi með peningunum. Þar stóð að gefandinn vildi gjarnan að peningarnir yrðu notaðir í uppbyggingu á leikvangi félagsins en þar er fyrirhugað að byggja áhorfendaaðstöðu fyrir eldra fólk. Auk þess sagðist gefandinn vonast til að aðstaðan yrði nefnd „Póstkassinn“.

Hin rausnarlega gjöf gærdagsins verður til þess að félagið getur lokið við smíði áhorfendaaðstöðunnar þannig að aðgengi að vellinum verði auðveldara fyrir eldra fólk.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Pressan
Fyrir 2 dögum

Danskir þingmenn vilja koma í veg fyrir að Peter Madsen geti stundað kynlíf í fangelsinu

Danskir þingmenn vilja koma í veg fyrir að Peter Madsen geti stundað kynlíf í fangelsinu
Pressan
Fyrir 2 dögum

Rússar skýra frá leynilegu samstarfi með bresku leyniþjónustunni

Rússar skýra frá leynilegu samstarfi með bresku leyniþjónustunni
Pressan
Fyrir 3 dögum

Þess vegna er miðdegislúr hollur

Þess vegna er miðdegislúr hollur
Pressan
Fyrir 3 dögum

Átta fjallgöngumenn létust í Himalaya í dag

Átta fjallgöngumenn létust í Himalaya í dag