Listamaðurinn Banksy er þekktur fyrir klækibrögð og verk sem þykja vera pólitísk. Á dögunum ákvað hann að selja eitt af þekktari verkum sínum á uppboði hjá Sotheby’s þar sem listunnendur úr öllum áttum kepptust um kaupin.
Listaverkið ber heitið Stúlka með blöðru og seldist að lokum fyrir rúmlega eina milljón punda, eða um 155 milljónir íslenskra króna, en venjulegt verð á á verkum eftir Banksy er um þrjár til fjórar milljónir íslenskra króna.
Uppboðsgestir voru vægast sagt undrandi þegar kom í ljós að Banksy hafði innbyggðan bréfatætara í myndarammanum og byrjaði listaverkið að eyðast fyrir augum allra á svipstundu. Kaupandi verksins, sem enn hefur ekki verið nafngreindur, óttaðist að myndin væri orðin gildislaust héðan í frá.
Sérfræðingar telja þó líklegt að grikkurinn og umtalið sem í kjölfarið fylgdi hefur aukið verðgildi verksins.
Margir hverjir voru ekki lengi að taka upp símann til að festa atvikið á upptöku og mynda viðbrögðin í salnum. Eitt slíkt má sjá að neðan frá Daily Mail.