fbpx
Þriðjudagur 18.desember 2018
Pressan

Geimspeglar og gervieldfjöll – Nokkrar öfgafullar lausnir á loftslagsvandanum

Kristján Kristjánsson
Miðvikudaginn 10. október 2018 04:13

Hugmynd að útliti gervitrjáa.

Fyrir þremur árum handsöluðu heimsleiðtogar samning um að draga úr losun gróðurhúsalofttegunda til að koma í veg fyrir að hitastig í heiminum hækkaði um meira en tvær gráður fyrir næstu aldamót. Þetta var árangur loftslagsráðstefnunnar í París. Nú er ljóst að það verður erfitt að ná markmiðum samningsins en það kemur skýrt fram í nýrri skýrslu IPCC, sem er loftslagsnefnd Sameinuðu þjóðanna, sem var birt fyrr í vikunni.

Í skýrslunni er tæpt á hugsanlegum lausnum með svokölluðu geo-engineering sem minnir kannski einna helst á eitthvað úr vísindaskáldsögu. Þar er um að ræða tækni sem er hægt að nota til að draga úr áhrifum loftslagsbreytinga.

Hér verða nefndar til sögunnar nokkrar hugmyndir sem geta fallið undir þetta en virðast kannski jaðra við ákveðna klikkun, svo ótrúlegar eru þær.

Speglar

Það eru mörg ár síðan vísindamenn viðruðu þær hugmyndir í fyrsta sinn að senda spegla út í geiminn til að endurkasta geislum sólarinnar. Meðal annars var stungið upp á því að senda milljarða af speglum 1,5 milljónir kílómetra út í geiminn þar sem jafnvægi ríkir á milli aðdráttarafls sólarinnar og jarðarinnar. Speglarnir áttu að endurvarpa um einu prósenti af geislum sólarinnar aftur út í geiminn þannig að þeir myndu ekki ná til jarðarinnar.

Vandinn við þetta er að það mun kosta mikla losun á koldíoxíði út í andrúmsloftið að senda alla þessa spegla út í geiminn, svo ekki sé talað um kostnaðinn.

Gervieldfjöll

Ein þeirra leiða sem IPCC hefur nefnt í skýrslum sínum er að gera gervieldfjöll. Hugmyndin er að senda brennisteinsagnir út í andrúmsloftið.  Þessar agnir geta endurkastað hluta af geislum sólarinnar frá jörðinni og þannig lækkað hitann hér á jörðinni. Þetta er það sama og gerist þegar alvöru eldfjöll gjósa og senda mikið magn af brennisteinsögnum út í andrúmsloftið.

Vandinn við þetta er að vísindamenn vita ekki hvaða áhrif þetta hefur á andrúmsloftið annað en að þetta mun breyta því hvenær og hvar það rignir.

Gervitré

Fyrir tíu árum kynntu bandarískir vísindamenn til sögunnar hugmynd um „gervitré“ sem gætu sogið koldíoxíð úr andrúmsloftinu og gert það eins hreint og það áður en iðnbyltingin hófst. Koldíoxíðið er sogið úr loftinu með því að loftið fer í gegnum síu sem inniheldur basíska lausn sem leysir koldíoxíðið upp.

Vandinn við þetta er að þrátt fyrir að hugmyndin sé tíu ára þá hefur ekkert meira gerst á þessum tíu árum annað en að hugmyndin var sett fram. Ekki hafa verið settar fram neinar hugmyndir um hvernig á að hreinsa koldíoxíðið úr síunum og hvar á að geyma það.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Pressan
Fyrir 20 klukkutímum

Sænskur prófessor bjargaði nemanda sínum úr klóm ISIS

Sænskur prófessor bjargaði nemanda sínum úr klóm ISIS
Pressan
Fyrir 21 klukkutímum

Er virkilega hættulegt að nota eyrnapinna til að hreinsa eyrun?

Er virkilega hættulegt að nota eyrnapinna til að hreinsa eyrun?
Pressan
Í gær

3.600 hafa látist í átökum múslíma og kristinna í Nígeríu

3.600 hafa látist í átökum múslíma og kristinna í Nígeríu
Pressan
Í gær

Tvær öflugar sprengingar í Malmö í gærkvöldi og nótt

Tvær öflugar sprengingar í Malmö í gærkvöldi og nótt
Pressan
Fyrir 2 dögum

„Hendum skítnum beint í ruslið“ – Dönsk nýnasistasamtök dreifa áróðri

„Hendum skítnum beint í ruslið“ – Dönsk nýnasistasamtök dreifa áróðri
Pressan
Fyrir 2 dögum

Þetta er nú hættulegasta fíkniefni Bandaríkjanna

Þetta er nú hættulegasta fíkniefni Bandaríkjanna
Pressan
Fyrir 3 dögum

Tók eigið líf vegna krabbameins, en ekkert mein fannst við líkskoðun

Tók eigið líf vegna krabbameins, en ekkert mein fannst við líkskoðun
Fyrir 4 dögum

Veiðikortið 2019 er komið út

Veiðikortið 2019 er komið út