Á sunnudaginn varð umferðaróhapp á þjóðvegi í Arizona og enduðu tveir bílar, sem við sögu komu í óhappinu, eins og sjá má á myndinni sem fylgir þessari frétt. Eins og sjá má endaði Mazda pallbíll ofan á Honda fólksbíl. En þriðji bíllinn blandaðist einnig í óhappið sem hefur vakið nokkra athygli enda ótrúlegt að sjá hvernig bílarnir enduðu.

Slökkviliðsmenn, sem voru sendir á vettvang, lýstu þessu kannski best þegar þeir sögðu að þetta hefði eiginlega verið eins og tekið beint úr Hollywoodmynd.

Yfirheyrslur lögreglunnar leiddu síðan í ljós hvernig bílarnir gátu endað svona.

Vöruflutningabíll kom of nálægt hvíta pallbílnum sem varð til þess að hann fór yfir á öfugan vegarhelming. Þar lenti hann í árekstri við bíl, sem kom úr gagnstæðri átt, og kastaðist upp í loftið og fór einn hring í loftinu og lenti síðan ofan á rauða fólksbílnum.

Eins og myndirnar sýna var aðkoman á vettvang ekki fögur en svo ótrúlegt sem það kann nú að hljóma þá slasaðist enginn.