fbpx
Sunnudagur 17.febrúar 2019
Pressan

Tyrkir eru sagðir vera með hljóð- og myndbandsupptökur af morðinu á blaðamanninum Jamal Khashoggi

Kristján Kristjánsson
Föstudaginn 12. október 2018 04:22

Jamal Khashoggi.

Ekki missa af Helstu tíðindum dagsins í pósthólfið þitt

Lesa nánar

Tyrknesk yfirvöld eru sögð vera með hljóð- og myndbandsupptökur undir höndum sem staðfesta að sádíarabíski blaðamaðurinn Jamal Khashoggi hafi verið myrtur inni á ræðismannsskrifstofu Sádí-Arabíu í Istanbúl.

The Washington Post skýrir frá þessu og hefur eftir ónafngreindum embættismönnum í Tyrklandi. Blaðið segir að tyrknesk stjórnvöld hafi skýrt bandarískum stjórnvöldum frá þessu. Einn af heimildarmönnum blaðsins segir að á hljóðupptökunum heyrist „hvað kom fyrir Jamal eftir að hann fór þarna inn“.

„Maður heyrir rödd hans og raddir sem tala arabísku. Maður heyrir að hann er yfirheyrður, pyntaður og síðan drepinn.“

Hefur blaðið eftir einum heimildarmanna sinna.

Annar heimildarmaður segir að á upptökunum heyrist þegar Khashoggi er misþyrmt.

Khashoggi var gagnrýninn á stjórnarhætti í Sádí-Arabíu og hafði undanfarið dvalist í sjálfskipaðri útlegð í Bandaríkjunum. Hann fór inn á ræðismannsskrifstofu Sádí-Arabíu í Istanbúl á þriðjudag í síðustu viku til að sækja skjöl vegna fyrirhugaðs brúðkaups hans. Hann hefur ekki sést síðan.

Tyrknesk yfirvöld voru fljót til og sögðu að Khashoggi hefði verið myrtur inni á ræðismannsskrifstofunni og lík hans síðan flutt á brott. Þessu vísa Sádí-Arabar á bug. Þeir hafa ekki viljað afhenda upptökur úr eftirlitsmyndavélum sem staðfesta frásögn þeirra um að Khashoggi hafi yfirgefið sendiráðið.

Ef rétt reynist að Tyrkir séu með fyrrgreindar upptökur undir höndum getur það skýrt af hverju þeir voru svo fljótir til að fullyrða að Khashoggi hefði verið myrtur inni á ræðismannsskrifstofunni. Þetta setur þá þó í ákveðna klemmu því upptökurnar eru þá um leið sönnun þess að Tyrkir njósna um útsendara erlendra ríkja í landinu og hvernig þeir gera það.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Pressan
Fyrir 2 dögum

Giftist kjálkalausri uppvakninga brúðu

Giftist kjálkalausri uppvakninga brúðu
Pressan
Fyrir 2 dögum

Hrottalegt morð í Kaupmannahöfn kallaði á róttækar vinnuaðferðir lögreglunnar

Hrottalegt morð í Kaupmannahöfn kallaði á róttækar vinnuaðferðir lögreglunnar
Pressan
Fyrir 3 dögum

Óhugnanleg aðkoma í hlöðunni – Vannærð börn lokuð inni í hundabúri

Óhugnanleg aðkoma í hlöðunni – Vannærð börn lokuð inni í hundabúri
Pressan
Fyrir 3 dögum

Svíþjóð – Dæmdur fyrir að myrða eiginkonu sína – Hún vildi „lifa frjáls eins og sænsk kona“

Svíþjóð – Dæmdur fyrir að myrða eiginkonu sína – Hún vildi „lifa frjáls eins og sænsk kona“
Pressan
Fyrir 3 dögum

Lögreglumenn slá í gegn á netinu – Hverjum hefði dottið í hug að lögreglumenn geri þetta á næturvaktinni? Myndband

Lögreglumenn slá í gegn á netinu – Hverjum hefði dottið í hug að lögreglumenn geri þetta á næturvaktinni? Myndband
Pressan
Fyrir 3 dögum

Falsað krabbameinslyf í umferð í Evrópu – Inniheldur bara parasetamól

Falsað krabbameinslyf í umferð í Evrópu – Inniheldur bara parasetamól
Pressan
Fyrir 4 dögum

Sögð hafa gefið eiginmanninum frostlög og kveikt í húsinu: Vildi giftast fanga sem afplánar lífstíðardóm

Sögð hafa gefið eiginmanninum frostlög og kveikt í húsinu: Vildi giftast fanga sem afplánar lífstíðardóm
Pressan
Fyrir 4 dögum

Sá fjölskyldu sína myrta aðeins sjö ára gamall og var neyddur í stríð: „Svona lagað hverfur aldrei, þetta er morð á sálina“

Sá fjölskyldu sína myrta aðeins sjö ára gamall og var neyddur í stríð: „Svona lagað hverfur aldrei, þetta er morð á sálina“