fbpx
Miðvikudagur 23.janúar 2019
Pressan

Segir gjaldþrot Primera Air bara hafa verið það fyrsta í röð gjaldþrota flugfélag

Kristján Kristjánsson
Laugardaginn 13. október 2018 14:05

Lággjaldaflugfélagið Primera Air fór nýlega fram á að vera tekið til gjaldþrotaskipta. Ef marka má orð Johan Lundgren, forstjóra EasyJet, eins stærsta lággjaldaflugfélags Evrópu, þá var þetta bara fyrsta gjaldþrotið í röð gjaldþrota annarra lággjaldaflugfélaga.

„Við munum sjá fleiri gjaldþrot.“

Sagði Lundgren á Abta ráðstefnunni nýlega. Samkvæmt frétt The Independent vildi Lundgren ekki nefna önnur flugfélög en sagði að „veikburða þátttakendur á markaðnum“ eigi í vandræðum vegna hækkandi eldsneytisverðs.

Flugfélög festa yfirleitt eldsneytisverðið fyrir einn ársfjórðung eða fleiri í einu. Það verður því ekki fyrr en í ársbyrjun 2019 sem hækkandi eldsneytisverð fer að þrengja að þeim. Mörg lággjaldaflugfélaganna þurfa einnig að greiða háar fjárhæðir í bætur til farþega vegna seinkana á flugi og það er þeim kostnaðarsamt. Sem dæmi má nefna að Primera skuldaði fleiri milljónir í slíkar bætur í Danmörku þegar félagið fór í gjaldþrot. Önnur eiga í erfiðleikum með að fá flugmenn til starfa og það er auðvitað ekki til að auðvelda þeim starfsemi.

Það er erfitt fyrir flugfélögin að velta hækkandi eldsneytisverði út í verðlagið því samkeppnin er gríðarlega hörð.

Norska lággjaldaflugfélagið Norwegian er nú sagt eiga í erfiðleikum og standi jafnvel frammi fyrir skorti á lausafé innan skamms. Samkvæmt frétt Check.in.dk þá hefur Norwegian greitt fyrir 22 prósent af ætlaðri eldsneytisnotkun sinni það sem eftir lifir árs og þarf því að kaupa eldsneyti á markaðsverði en tonnið kostar nú 780 dollara. Í greiningu svissneska bankans Credit Suisse kemur fram að Norwegian lendi í lausafjársskorti ef verðið á tonn af eldsneyti fer í 700 dollara svo staðan er mjög slæm ef þetta er rétt.

Bandaríska fjárfestingahúsið Bernstein er sömu skoðunar og Credit Suisse og telur að staða félagsins sé svo slæm að það verði að falla frá samningum við lánadrottna sína og að það muni hafa í för með sér mikið streymi úr fátæklegum sjóðum félagsins.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Pressan
Fyrir 2 dögum

790 milljónum netfanga og lykilorða lekið á netið – Svona getur þú séð hvort þitt netfang er þar á meðal

790 milljónum netfanga og lykilorða lekið á netið – Svona getur þú séð hvort þitt netfang er þar á meðal
Pressan
Fyrir 2 dögum

Hin fullkomna tía – 60 milljónir áhorfa á 10 dögum

Hin fullkomna tía – 60 milljónir áhorfa á 10 dögum
Pressan
Fyrir 2 dögum

Þrjú grunsamleg dauðsföll á einum mánuði – „Áhyggjuefni og hræðilegt“

Þrjú grunsamleg dauðsföll á einum mánuði – „Áhyggjuefni og hræðilegt“
Pressan
Fyrir 2 dögum

Ótrúleg sjón blasti við 16 ára stúlku þegar hún kafaði í sjónum – Sjáðu myndbandið

Ótrúleg sjón blasti við 16 ára stúlku þegar hún kafaði í sjónum – Sjáðu myndbandið
Pressan
Fyrir 3 dögum

Tóku til sinna ráða þegar þeir komust að skuggalegu leyndarmáli nágranna síns

Tóku til sinna ráða þegar þeir komust að skuggalegu leyndarmáli nágranna síns
Pressan
Fyrir 4 dögum

Skýr skilaboð frá NASA – „Þessu myndum við aldrei halda leyndu“

Skýr skilaboð frá NASA – „Þessu myndum við aldrei halda leyndu“