Veðrið var svo slæmt að Fiona varð að stöðva bílinn en högl á stærð við tennisbolta buldu á bílnum og næsta umhverfi. Fiona ók út fyrir veginn og ætlaði að bíða veðrið af sér þar. En stóru höglin brutu framrúðuna að sögn áströlsku 9 NEWS sjónvarpsstöðvarinnar.
Fiona vildi eðlilega vernda dóttur sína og tók hana því í fangið og notaði eigin líkama til að skýla henni fyrir haglinu. Stúlkan slapp að mestu ómeidd en fékk þó eitt hagl í höfuðið. Fiona, litla stúlkan og amman voru allar lagðar inn á sjúkrahús en áverkar þeirra reyndust ekki lífshættulegir en læknar segja að Fiona hafi bjargað lífi litlu stúlkunnar með því að skýla henni með líkama sínum.
Sjálf skrifaði hún færslu á Facebook og lýsti hryllingnum:
”Ég lærði þá lexíu í dag að aka ALDREI í hagléli! Við lögðum í vegkantinum þegar stormurinn varð of öflugur og haglið braut rúðurnar. Ég skýldi barninu mínu með líkama mínum til að vernda hana gegn alvarlegum meiðslum. Ég er þakklát fyrir að dóttir mín og amma eru heilar á húfi.”
Eins og sjá má á myndunum af líkama Fiona marðist hún mjög illa af völdum haglanna enda engin furða því höglin voru 5 til 7 cm að ummáli.
Fiona hefur nú verið tilnefnd til hugrekkisverðlauna ástralska forsætisráðuneytisins en það þykir mikill heiður að vera tilnefndur til þeirra.