Málið snýst um að kryddframleiðandinn Santa Maria, sem er væntanlega mörgum Íslendingum að góðu kunnur, ákvað nýlega að breyta sumum kryddstaukunum sem fyrirtækið selur. Á mörgum kryddum er hægt að velja um mismunandi stillingar á dreifingu kryddsins með plastloki sem er yfir stauknum. Það er til dæmis hægt að hafa „galopið“ svo krydd hellist bara út í stórum skömmtum. Síðan er hægt að hafa „dreifara“ en þá eru lítil göt á lokinu sem tryggja að mun minna sáldrast úr stauknum.
Santa Maria ákvað einmitt að hætt að hafa „dreifara“ möguleikann á sumum kryddtegundum og það gerði eiginlega allt vitlaust.
„Nú kemur tvöfalt meira en áður úr í einu, óþægilegt og smekklaust með allt þetta krydd í munninum.“
Sagði einn viðskiptavinur fyrirtækisins meðal annars og aðrir kvörtuðu undan því sama, að þeir fengju alltof mikið krydd á matinn og það væri mjög erfitt að setja hæfilega skammta á matinn. Öðrum datt í hug að markmiðið með þessu væri einfaldlega að auka kryddsöluna því óneitanlega notaði fólk meira krydd þegar það gæti ekki stráð því fínlega yfir matinn heldur yrði nánast að hella því í miklu magni yfir.
Nú hefur Santa Maria sem sagt látið undan þrýstingi neytenda og hættir notkun þessara nýju plastloka og verða umbúðirnar eins og áður.