Ekki er vitað hvað veldur þessu. Ýmsar rannsóknir hafa verið gerðar til að reyna að finna ástæðuna. Meðal þess sem hefur verið rannsakað eru áhrif brjóstagjafar, lyfja, eiturefna í umhverfinu, vandamál í fæðingu eða hvort fjölskylduaðstæður og/eða efnahagur fjölskyldna komi við sögu. Nú hallast vísindamenn hellst að því að börn sem glíma við mikil veikindi á fyrstu æviárunum glími frekar við glerjungsvanda. En þeir hafa þó ákveðinn fyrirvara á þessu því börn sem ekki hafa glímt við slík veikindi glíma einnig við glerjungsvanda.
TV2 hefur eftir Ingvild Brusevold, tannlækni, að norskir tannlæknar sjái mörg svona tilfelli. Hún sagðist vonast til að fræðsla til foreldra og barna gæti haldið tilfellunum í lágmarki en ekki sé hægt að koma í veg fyrir þetta með öllu því ekki sé vitað hver ástæðan er.
Það eru aðallega sex ára jaxlar og framtennurnar sem glerjungsskorturinn gerir vart við sig á. Talið er að um 15 prósent norskra barna glími við glerjungsvanda.