Iðnaður, tengdur gæludýrum, er stór og umsvifamikill í Evrópu. Um 100.000 manns starfa við framleiðslu á dýrafóðri í 200 verksmiðjum í Evrópu. Þessar verksmiðjur framleiða 8,5 milljónir tonna af gæludýrafóðri á ári og er verðmætið sem nemur um 2.600 milljörðum íslenskra króna.

Þetta kemur fram í tölum frá Fediaf sem eru samtök evrópskra gæludýrafóðursframleiðenda. Auk fóðursins kaupa Evrópubúar ýmsan búnað og þjónustu fyrir gæludýrin fyrir sem nemur um 2.200 milljörðum íslenskra króna á ári. Áætlað er að á 80 milljónum evrópskra heimila séu gæludýr og eru kettir vinsælasta gæludýrið.

Einn köttur, hið minnsta, er á fjórðungi evrópskra heimila. Á fimmta hverja evrópska heimili er einn hundur hið minnsta.

Rúmenar eru hlutfallslega með flesta hunda og ketti miðað við mannfjölda. Þar eiga 46 prósent heimila hunda og 47 prósent ketti. í Tyrklandi er gæludýraástin aðeins minni en þar eru hundar á um 6 prósentum heimila og kettir á 10 prósentum heimila.