fbpx
Miðvikudagur 23.janúar 2019
Pressan

30 ára gamalt mál loksins leyst – Komst loks að hver stúlkan var

Kristján Kristjánsson
Þriðjudaginn 23. október 2018 06:09

Bryone og Yvonne Owen.

Þann 21. desember 1988 sprakk sprengja um borð í flugi 103 frá Pan Am yfir bænum Lockerbie í Skotlandi. Vélin var á leið frá Frankfurt í Þýskalandi til New York í Bandaríkjunum. Um borð voru 259 farþegar og áhafnarmeðlimir. Þeir létust allir sem og 11 manns á jörðu niðri.

Þennan örlagaríka dag var Colin Dorrance, 18 ára, á vakt í bænum en hann var lögreglumaður, sá yngsti sem var á vakt þennan dag.

Hann var fljótlega sendur í ráðhús bæjarins þar sem ákveðið hafði verið að safna líkum hinna látnu saman. Það var bóndi sem kom með fyrsta líkið en það var af lítilli stúlku sem hafði verið um borð í flugvélinni. Bóndinn hafði fundið líkið og sett það í framsætið í dráttarvél sinni og síðan ekið með það að ráðhúsinu þar sem Dorrance tók við því. BBC skýrir frá þessu.

„Það var eins og það væri sofandi, það var ekki með sýnilega áverka og það var mikið áfall að uppgötva að þetta var farþegi úr flugi Pan Am 103.“

Hefur BBC eftir Dorrance.

„Allt gerðist svo hratt. Það var komið með hundruði mannslíka inn í ráðhúsið. Þetta snerist bara um að halda lífinu áfram eftir þetta en þetta sótti alltaf á mig. Þetta var svo öfgakennt, skelfilegt augnablik.“

Sagði hann um augnablikið þegar komið var með lík litlu stúlkunnar.

Dorrance fannst ekki viðeigandi eða fagmannlegt að reyna að grafa frekar upp hver litla stúlkan var. Hann vildi ekki ýfa upp sár annarra og bældi því þörf sína fyrir að fá frekari upplýsingar um stúlkuna.

Á ferð með barnshafandi móður sinni

Eins og svo margir íbúar í Lockerbie hefur Dorrance kynnst mörgum ættingjum farþeganna og tengst þeim sterkum böndum. Hann hefur farið með þá um bæinn til að hjálpa þeim að öðlast betri skilning og yfirsýn yfir hvað gerðist þennan skelfilega dag.

Það var nýlega að hann var í slíkri ferð að tilviljun varð til þess að hann fékk svar við spurningunni sem hann hafði langað að fá svar við síðan þann 21. desember 1988. Hann var þá staddur á bóndabæ þar sem nokkrir farþegar úr flugvélinni hröpuðu til jarðar. Bóndinn var heima og ræddi við Dorrance. Í samtali þeirra kom í ljós að það var faðir bóndans sem hafði ekið með lík litlu stúlkunnar í ráðhúsið og afhent Dorrance það. Þetta hafði mikil áhrif á bóndann það sem eftir var. Sonur hans sagði Dorrance að litla stúlkan hefði heitið Bryony Owen og hafi verið 20 mánaða. Hún var á leið til Bandaríkjanna með móður sinni, Yvonne Owen, sem var barnshafandi. Mæðgurnar fóru um borð í vélina þegar hún millilenti á Heathrow flugvellinum í Lundúnum.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Pressan
Fyrir 2 dögum

790 milljónum netfanga og lykilorða lekið á netið – Svona getur þú séð hvort þitt netfang er þar á meðal

790 milljónum netfanga og lykilorða lekið á netið – Svona getur þú séð hvort þitt netfang er þar á meðal
Pressan
Fyrir 2 dögum

Hin fullkomna tía – 60 milljónir áhorfa á 10 dögum

Hin fullkomna tía – 60 milljónir áhorfa á 10 dögum
Pressan
Fyrir 2 dögum

Þrjú grunsamleg dauðsföll á einum mánuði – „Áhyggjuefni og hræðilegt“

Þrjú grunsamleg dauðsföll á einum mánuði – „Áhyggjuefni og hræðilegt“
Pressan
Fyrir 2 dögum

Ótrúleg sjón blasti við 16 ára stúlku þegar hún kafaði í sjónum – Sjáðu myndbandið

Ótrúleg sjón blasti við 16 ára stúlku þegar hún kafaði í sjónum – Sjáðu myndbandið
Pressan
Fyrir 3 dögum

Tóku til sinna ráða þegar þeir komust að skuggalegu leyndarmáli nágranna síns

Tóku til sinna ráða þegar þeir komust að skuggalegu leyndarmáli nágranna síns
Pressan
Fyrir 4 dögum

Skýr skilaboð frá NASA – „Þessu myndum við aldrei halda leyndu“

Skýr skilaboð frá NASA – „Þessu myndum við aldrei halda leyndu“