Bréfasprengja fannst í póstkassa við heimili milljarðamæringsins George Soros í New York í Bandaríkjunum. Sprengjusveit lögreglunnar var kölluð á vettvang sem aftengdi sprengjuna.
Soros, sem fæddist í Ungverjalandi árið 1930, hefur í gegnum tíðina verið skotmark hægrihópa. Soros var ekki heima þegar bréfið barst en það var starfsmaður sem hafði samband samband við lögreglu vegna gruns um að eitthvað misjafnt leyndist í bréfinu.
Bandaríska alríkislögreglan, FBI, rannsakar málið.