Pressan

Vaknaði viku eftir brjálað partý – „Þá vantaði annan fótinn“

Kristján Kristjánsson
Þriðjudaginn 23. október 2018 07:13

Monique á sjúkrahúsinu.

„Fyrir fjórum árum var líf mitt eins og líf allra annarra háskólanema. En líf mitt breyttist þessa nótt, ég datt af svölum á fimmtu hæð og lenti á glerþaki. Ég man ekkert frá þessari nóttu. Ég var í partýi með öðrum háskólanemum. Ég held að einhver hafi laumað einhverju í drykkinn minn og það hafi valdið því að ég datt niður af svölunum.“

Þetta segir meðal annars í grein eftir Monique Murphy á ástralska netmiðlinum news.com þar sem hún skýrir frá þeim örlagaríka atburði sem varð þess valdandi að hún missti annan fótinn. Hún var þá tvítug. Hún er þekkt í heimalandi sínu fyrir góðan árangur í sundi en hún er ein fremsta fatlaða sundkona heims í dag.

Monique var að sjálfsögðu flutt á sjúkrahús þar sem hún lá meðvitundarlaus í heila viku.

„Ég vaknaði upp á sjúkrahúsi og vissi ekki hvar ég var eða hvað hafði gerst. En læknarnir sögðu mér strax að mig vantaði hægri fótinn. Það tók langan tíma að meðtaka þetta. Það var ekki fyrr en næsta morgun þegar ég heyrði lækna segja orðin „fótur“ og „aflimun“ að ég skildi alvöruna í þessu. Fram að því hélt ég að fóturinn væri bara vafinn í umbúðir því ég fann enn fyrir honum.“

Þrátt fyrir að hafa hrapað úr svo mikilli hæð þá slapp Monique við heilaskaða sem og mænuskaða. Hún missti hægri fótinn og kjálkabrotnaði, viðbeinsbrotnaði og braut þrjú rifbein. Annað hné hennar brotnaði einnig og hún skarst illa á bringu og hálsi þegar hún lenti á glerþakinu.

„Ég var á sjúkrahúsinu í sex vikur og var stöðugt með mikla verki. Ég fór í átta skurðaðgerðir.“

Hún byrjaði að æfa sund þegar hún fór í endurhæfinu og fann strax að þar var hún á réttri hillu því í vatninu fann hún fyrir frelsi og gat auðveldlega hreyft sig.  Hún vann til silfurverðlauna á Ólympíuleikum fatlaðra í Brasilíu fyrir tveimur árum.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Pressan
Í gær

Átta manna fjölskylda var myrt á kerfisbundin hátt árið 2016: Nú hafa fjórir úr annarri fjölskyldu verið handteknir

Átta manna fjölskylda var myrt á kerfisbundin hátt árið 2016: Nú hafa fjórir úr annarri fjölskyldu verið handteknir
Pressan
Í gær

Vantar þig íbúð? Hér er offramboð af húsnæði

Vantar þig íbúð? Hér er offramboð af húsnæði
Fyrir 2 dögum

Spáð sumarblíðu um næstu helgi á rjúpunni

Spáð sumarblíðu um næstu helgi á rjúpunni
Pressan
Fyrir 2 dögum

Leynileg skjöl sýna hversu hræðilegar afleiðingar sólstormar geta haft á jörðinni

Leynileg skjöl sýna hversu hræðilegar afleiðingar sólstormar geta haft á jörðinni
Pressan
Fyrir 2 dögum

Apple er að hægja á iPhone-símum – Svona er hægt að laga það

Apple er að hægja á iPhone-símum – Svona er hægt að laga það
Pressan
Fyrir 2 dögum

Fótbraut unnustu sína því hún sauð pasta ekki rétt – Neyddi hana síðan til að halda áfram að elda

Fótbraut unnustu sína því hún sauð pasta ekki rétt – Neyddi hana síðan til að halda áfram að elda