Nú hefur dómari í Los Angeles skorið úr um að nægilegar sannanir séu komnar fram til að hægt sé að ákæra Durst, sem er 75 ára, fyrir morðið.
Durst var aðalpersónan í sjónvarpsþáttaröðinni The Jinx sem HBO framleiddi 2015. Þetta svokölluð „true crime“ þáttaröð. Þar var meðal annars gengið á Durst og honum kynntar grunsemdir um að hann hefði myrt nokkrar manneskjur, þar á meðal eiginkonu sína Kathleen og vinkonu sína, fyrrnefnda Susan Berman.
Berman var skotin einu skoti í hnakkanna skömmu áður en hún átti að mæta til yfirheyrslu hjá lögreglunni í New York vegna rannsóknar á hvarfi Kathleen Durst 1982.
Robert Durst var handtekinn í mars 2015, nokkrum klukkustundum áður en síðasti þáttur The Jinx var sýndur. Í þáttunum sagði Durst eitt og annað sem vakti mikla athygli. Þar á meðal í síðasta þættinum en þá fór hann á salernið eftir að viðtali lauk. Hann virðist ekki hafa áttað sig á að hann var enn með hljóðnema á sér þá. Inni á salerninu heyrðist hann segja:
„Hvern fjandann gerði ég? Ég drap þau öll að sjálfsögðu.“
Hann var eitt sinn ákærður fyrir að hafa myrt nágranna sinn en var sýknaður þar sem dómstóllinn trúði sögu hans að um sjálfsvörn hefði verið að ræða.