Fyrir sem samsvarar um 78 milljónum íslenskra króna er hægt að eignast þorpið með öllu sem í því er. Þar eru átta stór einbýlishús, veitingastaður, samkomuhús, níu bílskúrar og vatnsveita.
Ríkið átti þorpið í upphafi en það var selt til einkaaðila 1991 og hefur síðan gengið kaupum og sölum. Margir hafa reynt að blása lífi í þetta gamla þorp en án árangurs þrátt fyrir að hugmyndirnar hafi oft og tíðum verið stórar.
Það er þó einn hængur á þessu öllu samam ef Íslendingur vill kaupa þorpið því nýlega voru sett lög á Nýja-Sjálandi sem banna útlendingum að kaupa fasteignir. En eins og oft vill verða með löggjöf eru krókaleiðir færar. Í þessu tilfelli mega útlendingar sem vilja kaupa fasteign á Nýja-Sjálandi og gera hana að heimili sínu í 183 daga, hið minnsta, á ári kaupa fasteignir.