Pressan

Systurnar vildu frekar deyja en verða sendar til Sádi-Arabíu

Ágúst Borgþór Sverrisson
Sunnudaginn 4. nóvember 2018 13:25

Ekki er talið að tvær ungar systur sem fundust drukknaðar í Hudson-fljóti í New York í vikunni hafi verið myrtar. Í fyrstu var lögreglan engu nær um hverjar systurnar voru en síðar kom í ljós að þær hétu Rotana og Tala Farea og voru 22 og 16 ára gamlar. Lík systranna voru bundin saman með einangrunarbandi. Greint var frá málinu í Pressunni á þriðjudaginn.

Rotana og Tala voru frá Sádi-Arabíu og höfðu þær sótt um hæli í Bandaríkjunum. Þær voru búsettar í Fairfax í Virginíuríki og komu fyrst til Bandaríkjanna árið 2015.

Í frétt á Huffington Post kemur fram að lögreglan telur ekki að lát stúlknanna hafi borið að með saknæmum hætti. Móðir stúlknanna heldur því fram að hringt hafi verið í hana úr sendiráði Sádi-Arabíu þar sem spurt var um hælisumsókn dætra hennar og þess krafist að fjölskyldan færi úr landinu. Fulltrúi í sendiráðinu neitar þessu og segir að símtalið hafi snúist um útrunnið innflytjendaleyfi móðurinnar.

Lögreglan telur að stúlkurnar hafi komið til New York borgar þann 1. september. Að sögn lögreglu eru þær sagðar hafa lýst því yfir að þær vildu frekar deyja en að verða senda aftur til Sádi-Arabíu. Samantekin ráð um sjálfsvíg virðast hafa átt sér stað en rannsókn er ekki lokið.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Pressan
Fyrir 2 dögum

Sagan bræddi hjörtu milljóna: Nú er talið að þetta hafi allt verið eitt stórt svindl

Sagan bræddi hjörtu milljóna: Nú er talið að þetta hafi allt verið eitt stórt svindl
Pressan
Fyrir 2 dögum

Fimm eiga yfir höfði sér dauðadóm vegna morðsins á Khashoggi

Fimm eiga yfir höfði sér dauðadóm vegna morðsins á Khashoggi
Pressan
Fyrir 2 dögum

Ódýrari matur, leikföng og raftæki og aukinn kaupmáttur – Þetta búa nágrannar okkar við

Ódýrari matur, leikföng og raftæki og aukinn kaupmáttur – Þetta búa nágrannar okkar við
Pressan
Fyrir 2 dögum

Léttist um 50 kíló – „Vildi að ég hefði vitað af þessum gildrum“

Léttist um 50 kíló – „Vildi að ég hefði vitað af þessum gildrum“
Pressan
Fyrir 3 dögum

Mikil fjölgun hatursglæpa í Bandaríkjunum

Mikil fjölgun hatursglæpa í Bandaríkjunum
Pressan
Fyrir 3 dögum

Draugabáta rekur í tugatali upp á japanskar strendur

Draugabáta rekur í tugatali upp á japanskar strendur