Pressan

Lést átta árum eftir örlagafulla áskorun frá félögunum

Ritstjórn Pressunnar
Mánudaginn 5. nóvember 2018 23:30

Kvöld eitt árið 2010 sat Sam Ballard, þá 19 ára piltur, að sumbli með félögum sínum í Sydney í Ástralíu. Sam og félagar hans æfðu rúgbí og ætluðu sér langt í íþróttinni. En þetta kvöld reyndist heldur betur örlagaríkt þegar þeir komu auga á sakleysislegan snigil skríða við fætur þeirra.

„Upp úr þurru kom sú hugmynd hvort einhver myndi þora að borða hann. Sam gerði það án þess að blikka auga. Þannig gerðist þetta,“ sagði félagi hans, Jimmy Galvin, um atvikið.

Þetta átti eftir að reynast dýrkeypt því Sam fékk alvarlegan sjúkdóm eftir að sníkjudýr í sniglingum komst í líkama hans. Um er að ræða hringorm, Angiostrongylus Canteonenesis, sem alla jafna lifir í rottum en hann getur einnig komst í snigla þar sem þeir éta rottuúrgang.

Ormurinn getur til dæmis valdið heilahimnubólgu og miklum skaða á miðtaugakerfinu.

Sam fann ekki fyrir miklu til að byrja með en nokkrum dögum eftir að hafa borðað orminn fór hann að finna fyrir verkjum í fótum. Hann óttaðist að verkirnir tengdust því að hann hefði borðað snigil en móðir hans sagði honum að hafa ekki áhyggjur.

Verkirnir ágerðust og varð Sam skyndilega mjög veikur. Hann var færður undir læknishendur þar sem læknar staðfestu að ormurinn hefði tekið sér bólfestu í líkama hans. Sam lá sofandi í öndunarvél í rúma 400 daga og þegar hann vaknaði var ljóst að skaðinn var mikill. Ormurinn hafði valdið óafturkræfum heilaskaða og þurfti Sam að notast við hjólastól í kjölfarið.

Sam lést á dögunum, átta árum eftir þessa örlagafullu áskorun, úr alvarlegum veikindum. Hann var umkringdur fjölskyldu sinni.

Móðir hans, Kate, sagði í sjónvarpsþætti um mál hans fyrir skömmu að hún hafi alltaf vonað að sonur hennar myndi ganga og tala aftur en þó verið viðbúin því að hann yrði aldrei samur. Sam var útskrifaður af sjúkrahúsi þremur árum eftir atvikið en þurfti aðhlynningu allan sólarhringinn.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Pressan
Í gær

Átta manna fjölskylda var myrt á kerfisbundin hátt árið 2016: Nú hafa fjórir úr annarri fjölskyldu verið handteknir

Átta manna fjölskylda var myrt á kerfisbundin hátt árið 2016: Nú hafa fjórir úr annarri fjölskyldu verið handteknir
Pressan
Í gær

Vantar þig íbúð? Hér er offramboð af húsnæði

Vantar þig íbúð? Hér er offramboð af húsnæði
Fyrir 2 dögum

Spáð sumarblíðu um næstu helgi á rjúpunni

Spáð sumarblíðu um næstu helgi á rjúpunni
Pressan
Fyrir 2 dögum

Leynileg skjöl sýna hversu hræðilegar afleiðingar sólstormar geta haft á jörðinni

Leynileg skjöl sýna hversu hræðilegar afleiðingar sólstormar geta haft á jörðinni
Pressan
Fyrir 2 dögum

Apple er að hægja á iPhone-símum – Svona er hægt að laga það

Apple er að hægja á iPhone-símum – Svona er hægt að laga það
Pressan
Fyrir 2 dögum

Fótbraut unnustu sína því hún sauð pasta ekki rétt – Neyddi hana síðan til að halda áfram að elda

Fótbraut unnustu sína því hún sauð pasta ekki rétt – Neyddi hana síðan til að halda áfram að elda