Pressan

Sameinuðu þjóðirnar vara við „þöglum morðingja“ – Jafn hættulegt og loftslagsbreytingarnar

Kristján Kristjánsson
Mánudaginn 5. nóvember 2018 07:37

Flestir vita eflaust af þeim ógnum og vanda sem steðjar að mannkyninu vegna loftslagsbreytinga sem eru að sögn margra vísindamanna afleiðing af lifnaðarháttum okkar mannanna. En færri eru kannski meðvitaðir um að það er önnur ógn, síst minni, sem er jafn alvarleg og aðkallandi og getur einnig haft hræðilegar afleiðingar fyrir framtíð okkar sem tegundar.

Hér er um fækkun tegunda að ræða sem þýðir minni líffræðilegan fjölbreytileika. Christiana Pasca Palmer, sem fer með málefni líffræðilegs fjölbreytileika hjá SÞ, segir að útrýming dýra- og plöntutegunda geti haft jafn alvarlegar afleiðingar og loftslagsbreytingarnar.

Þetta kom fram í viðtali við hana í breska blaðinu The Guardian.

„Minni líffræðilegur fjölbreytileiki er þögull morðingi. Þetta er öðruvísi en loftslagsbreytingarnar sem fólk finnur fyrir afleiðingunum af daglega. Þetta er ekki eins greinilegt hvað varðar minni líffræðilegan fjölbreytileika en þegar maður sér hvað er að gerast þá er það um seinan.“

Palmer stýrir þeirri stofnun SÞ sem hefur umsjón með sáttmála SÞ um líffræðilegan fjölbreytileika en 196 ríki hafa skrifað undir hann. Verkefni stofnunarinnar er að tryggja að vistkerfi haldi velli.

Stofnunin stendur fyrir ráðstefnu í Egyptalandi síðar í mánuðinum þar sem verður rætt hvernig ríki heims geti tryggt áframhaldandi tilvist vistkerfa jarðarinnar. Palmer vonast til að ráðstefnan veki athygli á þessum málaflokki og verði til þess að eftir tvö ár náist samkomulag um betri vernd líffræðilegs fjölbreytileika.

SÞ benda á að vistkerfi í jafnvægi skipti sköpum til að skordýr, fuglar, plöntur og spendýr geti lifað og að hægt sé að tryggja matvælaframleiðslu og hreint drykkjarvatn.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Pressan
Í gær

Átta manna fjölskylda var myrt á kerfisbundin hátt árið 2016: Nú hafa fjórir úr annarri fjölskyldu verið handteknir

Átta manna fjölskylda var myrt á kerfisbundin hátt árið 2016: Nú hafa fjórir úr annarri fjölskyldu verið handteknir
Pressan
Í gær

Vantar þig íbúð? Hér er offramboð af húsnæði

Vantar þig íbúð? Hér er offramboð af húsnæði
Fyrir 2 dögum

Spáð sumarblíðu um næstu helgi á rjúpunni

Spáð sumarblíðu um næstu helgi á rjúpunni
Pressan
Fyrir 2 dögum

Leynileg skjöl sýna hversu hræðilegar afleiðingar sólstormar geta haft á jörðinni

Leynileg skjöl sýna hversu hræðilegar afleiðingar sólstormar geta haft á jörðinni
Pressan
Fyrir 2 dögum

Apple er að hægja á iPhone-símum – Svona er hægt að laga það

Apple er að hægja á iPhone-símum – Svona er hægt að laga það
Pressan
Fyrir 2 dögum

Fótbraut unnustu sína því hún sauð pasta ekki rétt – Neyddi hana síðan til að halda áfram að elda

Fótbraut unnustu sína því hún sauð pasta ekki rétt – Neyddi hana síðan til að halda áfram að elda