Pressan

Með mest spennandi kosningum í Bandaríkjunum í áratugi – Framtíð Trump veltur á úrslitunum

Kristján Kristjánsson
Þriðjudaginn 6. nóvember 2018 06:22

Bandaríkjamenn ganga að kjörborðinu í dag og kjósa þingmenn í fulltrúadeild þingsins og þriðjung öldungardeildarþingmanna. Einnig er kosið um ríkisstjóra í mörgum ríkjum og í ýmis opinber embætti. Einnig er kosið um ýmis mál í mörgum ríkjum. Kosningarnar eru einu mest spennandi kosningar í landinu í marga áratugi. Mjótt virðist vera á munum á milli demókrata og repúblikana en skoðanakannanir benda til að demókratar nái meirihluta í fulltrúadeildinni en að repúblikanar haldi meirihluta sínum í öldungadeildinni. Það mun hafa mikil áhrif á það sem eftir er af kjörtímabili Donald Trump, sem forseta, ef demókratar ná meirihluta í fulltrúadeildinni.

Ef svo fer geta demókratar nánast lamað stjórn Trump og komið í veg fyrir að flest það sem hann vill ná í gegn verði að veruleika. Trump sagði í gærkvöldi að kosningar í dag væru kosningar um framtíð hans í forsetaembættinu. Barack Obama, forveri Trump í Hvíta húsinu, hefur blandað sér af krafti í kosningabaráttuna og hefur komið fram á fjölmörgum kosningafundum undanfarið og hvatt demókrata til dáða.

Trump hefur að vanda farið mikinn á kosningafundum og sagt eitt og annað. Hann hefur meðal annars sagt að kosningarnar snúist um hvort halda eigi áfram vegferð hans og repúblikana sem tryggi velsæld og öryggi í landinu eða hvort koma eigi demókrötum til valda. Það muni hafa í för með sér að innflytjendur fái að streyma til landsins og að sósíalískar hugsjónir nái fram að ganga. Obama hefur lagt áherslu á að „Ameríka sé að vakna“ og hefur gagnrýnt Trump, aðallega óbeint, fyrir lygar og að kynda undir hatursræðu.

Trump virðist óttast að repúblikanar missi meirihlutann í fulltrúadeildinni og hefur undanfarna daga reynt að stilla málum þannig upp að ekki sé hægt að bendla hann við tapið. Hann hefur meðal annars sagt að hann hafi einbeitt sér að kosningum öldungardeildarþingmanna. Hann hefur komið fram á 11 kosningafundum á sex dögum og hefur ráðist harkalega á pólitíska andstæðinga sína. Í sjónvarpsviðtali á mánudaginn sagði hann að eftir á að hyggja hefði hann átt að vera „mýkri“ í máli á fyrstu árum sínum í forsetaembættinu. En þennan „mýkri“ tón var ekki að heyra í ræðum hans í Ohio, Indiana og Missouri þar sem hann tók sterkt til orða varðandi innflytjendamál.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Pressan
Í gær

Átta manna fjölskylda var myrt á kerfisbundin hátt árið 2016: Nú hafa fjórir úr annarri fjölskyldu verið handteknir

Átta manna fjölskylda var myrt á kerfisbundin hátt árið 2016: Nú hafa fjórir úr annarri fjölskyldu verið handteknir
Pressan
Í gær

Vantar þig íbúð? Hér er offramboð af húsnæði

Vantar þig íbúð? Hér er offramboð af húsnæði
Fyrir 2 dögum

Spáð sumarblíðu um næstu helgi á rjúpunni

Spáð sumarblíðu um næstu helgi á rjúpunni
Pressan
Fyrir 2 dögum

Leynileg skjöl sýna hversu hræðilegar afleiðingar sólstormar geta haft á jörðinni

Leynileg skjöl sýna hversu hræðilegar afleiðingar sólstormar geta haft á jörðinni
Pressan
Fyrir 2 dögum

Apple er að hægja á iPhone-símum – Svona er hægt að laga það

Apple er að hægja á iPhone-símum – Svona er hægt að laga það
Pressan
Fyrir 2 dögum

Fótbraut unnustu sína því hún sauð pasta ekki rétt – Neyddi hana síðan til að halda áfram að elda

Fótbraut unnustu sína því hún sauð pasta ekki rétt – Neyddi hana síðan til að halda áfram að elda