The Guardian, Live Science og fleiri miðlar skýra frá þessu. Vísindamenn, sem vinna að hinu svokallaða Hatnub verkefni í Egyptalandi, telja sig nú hafa fundið út hvernig Egyptarnir fluttu risastóra og níðþunga steinana sem voru notaðir til að byggja pýramídana. Markmiðið með Hatnub verkefninu er að afla meiri upplýsinga um Egypta til forna og hugsanlega hafa vísindamennirnir nú fundið mikilvægar upplýsingar um byggingarlist þeirra.
Vísindamennirnir telja að Egyptarnir hafi notað skábrautir sem tvær tröppur voru við hliðina á og þar hafi verið margar holur fyrir staura. Steinarnir voru settir upp á sleða sem voru síðan dregnir með köðlum sem voru vafðir utan um staura sem voru settir í holurnar. Með þessu var hægt að draga þessa þungu steina upp og reisa pýramídana. Hægt var að nota þessa aðferð í allt að 20 gráðu halla hefur Live Science eftir Yannis Gourdon sem vinnur við Hatnub verkefnið.
Með því að gera þetta svona gátu menn stillt sér upp beggja meginn við steinana og brautina og togaði í kaðlana. Þannig gátu mjög margir komið að verkinu og því gekk það hraðar fyrir sig.