Pressan

Töldu sig hafa jarðað frænda sinn í haust: Misstu andlitið þegar hann bankaði upp á

Tómas Valgeirsson
Þriðjudaginn 6. nóvember 2018 21:00

Mynd: Azh.kz

Fjölskyldu hins 63 ára gamla lífeyrisþega Aigali Supygaliev brá heldur betur í brún þegar hann snéri aftur heim að dyrum, tveimur mánuðum eftir að jarðarför hans fór fram.

Frá þessu er greint á kasanska fréttamiðlinum Azh.kz. Þar er hermt að Aigali hafi horfið á brott um morgunn einn í júní á þessu ári og hafði ekkert spurst til hans í fjóra mánuði.

Ættingjar hans biðu í mánuð áður en haft var samband við lögreglu til að tilkynna hvarfið. Eftir mikla leit voru þau beðin um að bera kennsl á skaðbrennt lík. Þá sýndu DNA-rannsóknir fram með 99,2% öryggi að líkamsleifarnar voru af Aigali og var gefið út dánarvottorð í kjölfarið á því.

Í samtali við fréttamiðilinn segir réttarlæknirinn að hann standi við niðurstöðu sína, „en við megum þó ekki gleyma hinum 0,8 prósentunum,“ bætir hann við.

„Hvern grófum við þá?“

Dánarvottorð Aigali.

„Ég fékk næstum því hjartaáfall þegar Aigali frændi gekk inn um dyrnar heilsuhraustur, tveimur mánuðum eftir að við grófum hann,“ segir Esengali Supygaliev, einn af ættingjum Aigali.

Í ljós kom að Aigali hafði þegið vinnu í nálægu þorpi hjá manni sem hann kynntist þann dag sem hann hvarf. Að starfi loknu, fjórum mánuðum seinna, snéri hann heim og hafði ekki hugmynd um þær aðstæður sem biðu hans.

Supygaliev-fjölskyldan var ekki ánægð með að hafa greitt fyrir legsteininn og tilheyrandi athöfn. Þau höfðu einnig skilað lífeyrinum fyrir þá tvo mánuði sem Aigali var talinn látinn. Nú er fjölskyldan að íhuga lögsókn.

„Hvern grófum við þá?“ spyr Esengali. „Að öllum líkindum er fjölskylda einstaklingsins að leita að honum.“

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Pressan
Í gær

Átta manna fjölskylda var myrt á kerfisbundin hátt árið 2016: Nú hafa fjórir úr annarri fjölskyldu verið handteknir

Átta manna fjölskylda var myrt á kerfisbundin hátt árið 2016: Nú hafa fjórir úr annarri fjölskyldu verið handteknir
Pressan
Í gær

Vantar þig íbúð? Hér er offramboð af húsnæði

Vantar þig íbúð? Hér er offramboð af húsnæði
Fyrir 2 dögum

Spáð sumarblíðu um næstu helgi á rjúpunni

Spáð sumarblíðu um næstu helgi á rjúpunni
Pressan
Fyrir 2 dögum

Leynileg skjöl sýna hversu hræðilegar afleiðingar sólstormar geta haft á jörðinni

Leynileg skjöl sýna hversu hræðilegar afleiðingar sólstormar geta haft á jörðinni
Pressan
Fyrir 2 dögum

Apple er að hægja á iPhone-símum – Svona er hægt að laga það

Apple er að hægja á iPhone-símum – Svona er hægt að laga það
Pressan
Fyrir 2 dögum

Fótbraut unnustu sína því hún sauð pasta ekki rétt – Neyddi hana síðan til að halda áfram að elda

Fótbraut unnustu sína því hún sauð pasta ekki rétt – Neyddi hana síðan til að halda áfram að elda