Flestir nota væntanlega þvottaefni þegar þeir þvo föt og margir nota einnig mýkingarefni. En það er kannski alveg óþarfi að nota mýkingarefni því það er hægt að nota edik í staðinn og það er miklu heilsusamlegra en að nota mýkingarefni.

Mýkingarefni gera fötin jú mjúk og slétt en þau eru ekki beinlínis holl. Í mörgum eru ýmis efnasambönd sem eru miður góð fyrir okkur og umhverfið. Eitt þeirra er ilmefni en það er hormónatruflandi efni sem getur verið skaðlegt fyrir börn og getur valdið ofnæmi eftir því sem segir á vef Expressen. Þar er bent á að það sé hægt að nota edik í staðinn fyrir mýkingarefnið, það mýki fötin jafnvel og sé auk þess alveg hættulaust auk þess sem það er gott fyrir þvottavélina því það heldur henni hreinni og ferskri.

Til að fá smá ilm í fötin er hægt að blanda smá lofnarblómaolíu saman við edikið.

Blaðið birtir uppskrift að náttúrulegu mýkingarefni sem allir eiga að geta búið til heima hjá sér.

9 dl af soðnu vatni

3 dl af 24% ediki

10 dropar af lofnarblómaolíu.

Blandaðu þessu saman í flösku. Hristu hana vel og þú ert komin(n) með ilmandi gott mýkingarefni.