Fjöldi fólks var skotinn á bar í Thousand Oaks í Kaliforníu fyrir um klukkustund. Lögregla og sjúkralið eru að störfum á vettvangi og eru fréttir af vettvangi enn óljósar. Þó hefur komið fram að maður hafi hafið skothríð með hálfsjálfvirku skotvopni klukkan 23.20 að staðartíma.

Sky hefur eftir lögreglumönnum að um 30 skotum hafi verið hleypt af. Lögreglan telur að fórnarlömbin geti verið dreifð um svæðið þar sem þau flúðu út af barnum. Sky segir að árásarmanninum sé lýst sem manni frá Miðausturlöndum, hann er sagður klæddur í svartan fatnað og með skegg og vera um tvítugt.