Pressan

Hægriöfgamaðurinn Tommy Robinson fær ekki lengur að nota PayPal

Kristján Kristjánsson
Föstudaginn 9. nóvember 2018 06:15

Tommy Robinson.

Greiðsluþjónustufyrirtækið PayPal hefur tilkynnt Tommy Robinson, fyrrum leiðtoga English Defence League sem eru samtök þjóðernissinnaðra hægrimanna í Englandi (hægriöfgamanna), að fyrirtækið muni ekki afgreiða peningafærslur sem tengjast honum. Fyrirtækið segir að það sé með þessu að reyna að virða það jafnvægi sem þarf að ríkja á milli tjáningarfrelsis og virðingar og margbreytileika. Fyrirtækið segir að það megi ekki nota þjónustu þess til að „ýta undir hatur, ofbeldi eða önnur form umburðarleysis sem ganga á rétt fólks“.

Robinson, sem hetir réttu nafni Stephen Yaxley-Lennon, var hent út af Twitter í mars og undirskriftarsafnanir hafa staðið yfir á netinu til að þrýsta á fyrirtæki eins og PayPal um að hætta að sjá um peningafærslur til hans og frá honum. Mörg þúsund manns hafa skrifað undir þessar kröfur.

Sky skýrir frá þessu. Fram kemur að Robinson hafi notað PayPal til að taka við fjárframlögum vegna kostnaðar við dómsmál sem eru rekin gegn honum. Robinson sagði að ákvörðun PayPal væri byggð á „fasisma“ og sagði að fyrirtækinu „líki ekki við skoðanir hans og vilji þagga niður í honum“.

PayPal hefur áður útilokað ákveðna aðila frá því að nota greiðsluþjónustuna. Þar á meðal er hinn hægrisinnaði fréttavefur InfoWars.

Sky hefur eftir Robinson að PayPal hafi fryst innistæður á reikningi hans í 180 daga en um umtalsverða upphæð er að ræða að hans sögn.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Pressan
Fyrir 2 dögum

Sagan bræddi hjörtu milljóna: Nú er talið að þetta hafi allt verið eitt stórt svindl

Sagan bræddi hjörtu milljóna: Nú er talið að þetta hafi allt verið eitt stórt svindl
Pressan
Fyrir 2 dögum

Fimm eiga yfir höfði sér dauðadóm vegna morðsins á Khashoggi

Fimm eiga yfir höfði sér dauðadóm vegna morðsins á Khashoggi
Pressan
Fyrir 2 dögum

Ódýrari matur, leikföng og raftæki og aukinn kaupmáttur – Þetta búa nágrannar okkar við

Ódýrari matur, leikföng og raftæki og aukinn kaupmáttur – Þetta búa nágrannar okkar við
Pressan
Fyrir 2 dögum

Léttist um 50 kíló – „Vildi að ég hefði vitað af þessum gildrum“

Léttist um 50 kíló – „Vildi að ég hefði vitað af þessum gildrum“
Pressan
Fyrir 3 dögum

Mikil fjölgun hatursglæpa í Bandaríkjunum

Mikil fjölgun hatursglæpa í Bandaríkjunum
Pressan
Fyrir 3 dögum

Draugabáta rekur í tugatali upp á japanskar strendur

Draugabáta rekur í tugatali upp á japanskar strendur