Karlmaður var skotinn til bana af lögreglunni í Melbourne í Ástralíu klukkan 4.20 síðdegis í dag að staðartíma en þá var klukkan 3.20 að næturlagi hér á landi. Hann hafði ekið á bíl í Bourke Street og borið eld að bílunum áður en hann réðst, vopnaður hníf, að vegfarendum. Hann náði að stinga þrjá vegfarendur og er einn þeirra látinn. Árásarmaðurinn er sagður hafa tengsl við þekkta hryðjuverkamenn.

Bíll árásarmannsins er sagður hafa verið fullur af gaskútum. Á upptökum af atburðunum sést árásarmaðurinn ráðast á tvo lögreglumenn og reyna að særa þá með hníf. Þeir reyna að víkja sér undan og flýja um stund undan manninum. Hugrakkur vegfarandi sést reyna að aka árásarmanninn niður með innkaupakerru.

Lögreglumennirnir sjást síðan hörfa yfir götuna og árásarmaðurinn elta þá. Á endanum sést þegar hann er skotinn í brjóstkassann af lögreglumanni. Þeir höfðu áður reynt að beita rafbyssu gegn manninum. News.com.au skýrir frá þessu.