Hollenski ljósmyndarinn Niki Jeijen tók ljósmyndasafnið hér að neðan, en það kallar hann „Frost“. Tilganginn sagði hann vera að frysta augnablik úr fortíðinni og gera þau ódauðleg. Niki tjáði sig um myndirnar við Pressuna árið 2015 wn þá sagðist hann hafa tekið myndirnar í átta mismunandi löndum á 18 mánaða tímabili. Hann neitaði að gefa meira upp um staðsetningar til þess að vernda staðina frá koparþjófum, gröffurum og skemmdarvörgum.
„Það er mikil synd, en ég hef séð fullkomlega varðveitta staði eyðilagða á nokkrum vikum af ofangreindum aðilum,“ sagði Niki í samtali við Pressuna.
„Leitin að yfirgefnum stöðum er það erfiðasta og það sem tekur mestan tíma. Í hverri viku eyði ég mörgum klukkustundum á Google Earth þar sem ég flýg yfir landslagið og leita að stöðum sem gætu verið yfirgefnir. Það er auðvelt að koma auga á hótel með miklum gróðri í kring eða ónotuðum vegum. Eftir það stekk ég upp í bíl og keyri af stað. Um 20 prósent af stöðunum sem ég fer á eru svo raunverulega yfirgefnir. Af þeim eru svo kannski einn af sex virkilega fallegir, en þegar það loksins gerist, þá er þetta allt þess virði.“
Niki kvaðst oft hafa orðið var við undarlega atburði á þessum draugalegu, yfirgefnu staðsetningum. Hann bætti við að hann væri þó mjög jarðbundinn og ekki trúa á drauga eða yfirnáttúrulega hluti.
„Ég fór hins vegar einu sinni inn í yfirgefið fimm stjörnu hótel þar sem ég upplifði svo marga undarlega hluti að ég var virkilega feginn þegar ég komst út aftur. Hurðarskellir, gluggatjöld að færast óeðlilega mikið til og mikið af vandamálum með myndavélina. Batteríin tæmdust algjörlega þrátt fyrir að ég hafi hlaðið þau aðeins nokkrum klukkutímum áður,“
Sagði Niki. Sjón er sögu ríkari: