Hópur ellefu ára skóladrengja í borginni Sukabumi í Indónesíu fékk refsingu sem hefur valdið hörðum deilum.
Þetta hófst með því að skólastjórinn, Tati Maelati að nafni, kom að hópnum reykjandi sígarettur í miðjum frímínútum. Þá ákvað hann að draga drengina til hliðar og skipaði þeim að reykja fleiri sígarettur í refsiskyni inni á skrifstofu sinni.
Fréttaveitan Mirror greinir meðal annars frá þessu, en þar kemur fram að þessi óvenjulega hegning olli miklum usla hjá foreldrum drengjanna, sem voru átta talsins. Nokkrir foreldrar höfðu samband við fjölmiðla og hyggjast margir ætla að draga syni sína úr skólanum.
„Hugmyndin með þessari refsingu var að hafa fyrirbyggjandi áhrif,“ segir Maelati í samtali við fréttamiðilinn. „Ég vildi að drengjunum yrði óglatt, að þeir finndu fyrir því hversu óheilbrigt er að reykja.“
Hópur foreldra hefur nú fundað með Maelati og hefur honum verið bannað að beita þessari aðferð framar.
