News.com skýrir frá þessu. Fram kemur að konan hafi verið að drekka heitan drykk úr bollanum í maí á síðasta ári. Hún missti meðvitund þegar bollin sprakk og skarst á vör og það brotnaði úr framtönn. Hún þurfti að fara 12 sinnum á sjúkrahús til að láta laga vörina.
Konan segir að þetta hafi haft mikil áhrif á líf hennar og nú bregði henni mikið þegar hún heyrir há hljóð. Þá segir hún að þetta hafi gert hana þunglynda og sé farið að hafa áhrif á vinnu hennar.
Málið var fyrst tekið fyrir dóm á síðasta ári en þar færði lögmaður IKEA rök fyrir því að ekkert hefði verið að bollanum. Dómurinn komst að þeirri niðurstöðu að ekki væri sannað að eitthvað hefði verið að bollanum en dæmdi IKEA samt sem áður til að greiða konunni fyrrgreinda upphæð í bætur. Hún hafði farið fram á að fá 1 milljón yuan í bætur.
Bæði konan og IKEA áfrýjuðu málinu og nú hefur áfrýjunardómstóll staðfest dóm undirréttar. Auk bótanna á IKEA að greiða konunni bollann sem kostaði sem nemur um 90 íslenskum krónum.