Í fyrra var sagt að iPhone X væri byltingarkenndasti síminn frá Apple frá því að fyrsti iPhone-síminn leit dagsins ljós fyrir áratug. Nú hefur komið í ljós að síminn gæti innihaldið galla sem veldur því að snertiskjárinn virkar ekki.
Apple segir í tilkynningu á vef sínum að sumir símar geti innihaldið galla sem veldur bilun á snertiskjánum. Í sumum tilfellum hætti hann einfaldlega að virka, stundum gæti hann bilað oft í stutta stund og stundum virðist hann virka án snertingar.
Góðar fréttir fyrir þá sem lenda í þessu en Apple heitir því að skipta um skjá án endurgjalds. Það gildir þó ekki um brotna skjái.