Ekkert lát virðist vera á kjarreldunum sem nú geysa í Kaliforníu. Nú þegar er staðfest að 44 hafi látist í eldunum og þá er enn minnst 200 saknað.
Eldar loga á fjölmörgum stöðum í Kaliforníu. Nú síðast kom upp kjarreldur í Thousand Oaks en aðeins eru nokkrir dagar síðan byssumaður skaut fjölda fólks til bana í þessum friðsæla bæ.
Bærinn Paradís er nánast brunninn til kaldra kola að öllu leyti.
Á myndbandi hér að neðan sést þegar fjöldi ökumanna reyndi að flýja eldana í Simi Valley. Fyrir ofan veginn sést þyrla hella vatni á eldana sem loga í hlíðum við veginn.
Veðurspár gera ráð fyrir því að hlýir vindar muni áfram blása í Kaliforníu, að minnsta kosti þar til á morgun, sem gæti gert slökkvistarf erfitt. Þá hefur verið mjög þurrt í veðri að undanförnu.
„Ég hef verið slökkviliðsmaður í 31 ár en á síðustu fimm, kannski sjö, árum hefur ástandið versnað ár frá ári,“ segir Scott Jalbert, slökkviliðsstjóri Kaliforníu, í samtali við AP-fréttastofuna.
Umfjöllun Guardian um kjarreldana:
Bærinn Paradís er rústir einar: