fbpx
Þriðjudagur 18.desember 2018
Pressan

Ungur Norðmaður hefur þénað 680 milljónir á dag allt árið

Kristján Kristjánsson
Þriðjudaginn 13. nóvember 2018 06:58

Gustav Magnar Witzøe. Mynd:Instragram

Norðmaðurinn Gustav Magnar Witzøe er ótrúlega ríkur, eiginlega óskiljanlega ríkur. Yfirstandandi ár hlýtur þó að hafa farið fram úr björtustu vonum hjá honum því að meðaltali hefur auður hans aukist um sem svarar til 680 milljóna íslenskra króna á dag!

Hlutabréf í fyrirtæki hans, Salmar, hafa hækkað og hækkað allt árið og hefur gengi þeirra tæplega tvöfaldast á árinu. Þannig hefur virði þeirra aukist um sem svarar til 211 milljarða íslenskra króna.

Gustav, sem er 25 ár, erfði stærsta hlutann í fjárfestingarfélaginu Kverva sem faðir hans stofnaði á tíunda áratugnum. Fyrirtækið á um helming hlutafjár í Salmar, sem er laxeldisfyrirtæki, sem stendur að mestu á bak við eignamyndun hans á árinu.

Gustav er þó ekki viss um að hann ætli að halda áfram að reka þetta mikla viðskiptaveldi.

„Maður getur ekki bara gert það af því að maður hefur rétt til þess. Eða, jú það getur maður gert en það væri mjög hrokafullt.“

Sagði hann.

Áhugasamir geta fylgst með honum og lífi hans á Instagram þar sem hann er iðinn við að deila myndum af lífi sínu en hann er þekktur fyrir mikinn áhuga á ferðalögum, golfi, húðflúrum og tísku.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Pressan
Fyrir 20 klukkutímum

Er virkilega hættulegt að nota eyrnapinna til að hreinsa eyrun?

Er virkilega hættulegt að nota eyrnapinna til að hreinsa eyrun?
Pressan
Fyrir 20 klukkutímum

Varst þú búin(n) að átta þig á þessari staðreynd um Home Alone?

Varst þú búin(n) að átta þig á þessari staðreynd um Home Alone?