fbpx
Þriðjudagur 18.desember 2018
Pressan

Vara við hryðjuverkum í Svíþjóð – Útiloka ekki hryðjuverk á Íslandi

Kristján Kristjánsson
Miðvikudaginn 14. nóvember 2018 06:00

Lögreglumenn bregðast við hryðjuverkaárás. Mynd úr safni.

Breska utanríkisráðuneytið hefur hækkað aðvörunarstig sitt varðandi hættuna á hryðjuverkum í Svíþjóð í ráðleggingum til Breta sem hyggjast leggja land undir fót. Ráðuneytið hækkaði hættumatið í gær og sagði „vaxandi ógn“ steðja að. Af Norðurlöndunum telur breska utanríkisráðuneytið mestar líkur á að hryðjuverk verði framið í Svíþjóð en útilokar ekki að hryðjuverk verði framin hér á landi.

Á vefsíðu ráðuneytisins kemur fram að hryðjuverkamenn séu mjög líklegir til að fremja hryðjuverk í Svíþjóð og gætu ferðamenn orðið fyrir barðinu á þeim. Ráðuneytið segir vaxandi hryðjuverkaógn steðja að Svíþjóð. Sama orðalag er notað um hættumatið í Svíþjóð og um hættuna í Bandaríkjunum, Rússlandi, Egyptalandi og Ísrael. Expressen segir að breska utanríkisráðuneytið hafi ekki viljað tjá sig frekar um málið í gærkvöldi.

Hættumatið er óbreytt hvað varðar hin Norðurlöndin. Ráðuneytið telur líklegt að hryðjuverkamenn reyni að fremja hryðjuverk í Danmörku og Noregi. Það segir að ekki sé hægt að útiloka að hryðjuverk verði framin í Finnlandi og það sama á við um Ísland.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Pressan
Fyrir 20 klukkutímum

Er virkilega hættulegt að nota eyrnapinna til að hreinsa eyrun?

Er virkilega hættulegt að nota eyrnapinna til að hreinsa eyrun?
Pressan
Fyrir 20 klukkutímum

Varst þú búin(n) að átta þig á þessari staðreynd um Home Alone?

Varst þú búin(n) að átta þig á þessari staðreynd um Home Alone?