Á vefsíðu ráðuneytisins kemur fram að hryðjuverkamenn séu mjög líklegir til að fremja hryðjuverk í Svíþjóð og gætu ferðamenn orðið fyrir barðinu á þeim. Ráðuneytið segir vaxandi hryðjuverkaógn steðja að Svíþjóð. Sama orðalag er notað um hættumatið í Svíþjóð og um hættuna í Bandaríkjunum, Rússlandi, Egyptalandi og Ísrael. Expressen segir að breska utanríkisráðuneytið hafi ekki viljað tjá sig frekar um málið í gærkvöldi.
Hættumatið er óbreytt hvað varðar hin Norðurlöndin. Ráðuneytið telur líklegt að hryðjuverkamenn reyni að fremja hryðjuverk í Danmörku og Noregi. Það segir að ekki sé hægt að útiloka að hryðjuverk verði framin í Finnlandi og það sama á við um Ísland.