Bandarískur listamaður keypti verk eftir listamanninn Banksy til þess eins að eyðileggja það. Um er að ræða verk sem er málað á vegg verslunar í Norður-Lundúnum, borgaði listamðaurinn Ron English 561 þúsund pund, eða 90 milljónir króna fyrir verkið. Greint er frá þessu á vef breska dagblaðsins Metro. Þetta er ekki eina verk Banksy sem er eyðilagt á stuttum tíma, í gær lét Jón Gnarr eyðileggja verk sem hann fékk gefins frá Banksy þegar hann gegndi embætti borgarstjóra Reykjavíkur.
Verkið sem um ræðir heitir Þrælavinna og birtist árið 2012, átti það að tákna þrælkunarvinnu í aðdraganda Ólympíuleikanna í Lundúnum það ár. English ætlar að eyðileggja það til þess að mótmæla því að vegglistaverk gangi kaupum og sölum.