Undanfarið hefur óhugnanlegri mynd verið dreift á samfélagsmiðlum í Svíþjóð og þá aðallega hjá fólki sem býr í Trollhättan og Vänersborg. Á myndinni sést baksvipur einhvers sem er klæddur eins og Anton Lundin Pettersson sem myrti þrjá í skóla í Trollhättan 2015. Myndin hefur vakið töluverðan ótta um að árásir á skóla séu í bígerð. Öryggisgæsla hefur því verið aukin í skólum á þessum svæðum og starfsfólk er beðið að vera á varðbergi.

Myndinni hefur meðal annars verið dreift á Snapchat og Facebook. Sá sem er á myndinn er í síðri svartri kápu eins og Anton Lundin Pettersson klæddist þegar hann gekk inn í Kronan skólann í Trollhättan vopnaður sverði haustið 2015 og myrti þrjá. Með myndinn er texti þar sem fólki í Trollhättan og Vänersborg er sagt að gæta sín.

Í báðum sveitarfélögunum hefur verið brugðist við þessu með því að auka öryggisgæslu í og við skóla að sögn Aftonbladet. Lögreglan vinnur með skólayfirvöldum að málinu og fylgist náið með.

Myndin var tekin utandyra í Trollhättan við strætisvagnastöð en ekki er vitað hvenær.